जेव्हा आपण थंड पाणी पितो तेव्हा अन्न पचायला जास्त वेळ लागतो. त्यामुळे अॅसिडीटी, उलट्या आणि पोट फुगणे अशा समस्यांना तोंड द्यावे लागते.
कधी कधी खूप थंड पाणी प्यायल्याने डोकेदुखी होते. खरंतर थंड पाणी प्यायल्याने डोक्याच्या नसांवर परिणाम होतो आणि त्या नीट काम करू शकत नाहीत. पुढे तुम्हाला सायनसचा त्रासही होऊ शकतो.
जास्त थंड पाणी प्यायल्याने शरीरातील मेटाबॉलिज्म मंदावतो. त्यामुळे शरीर योग्यरित्या कार्य करू शकत नाही. वास्तविक थंड पाणी शरीरातील चरबी कमी करू शकत नाही त्यामुळे थकवा जाणवतो.
रेफ्रिजरेटरचे थंड पाणी प्यायल्यानेही बद्धकोष्ठता होऊ शकते. असे म्हटले जाते की ज्याला आधीच बद्धकोष्ठतेचा त्रास आहे त्याने थंड पाणी पिऊ नये. खरं तर थंड पाण्यामुळे पोटात मल जड होतो. त्यामुळे बद्धकोष्ठतेची समस्या निर्माण होते. जर तुम्हाला आधीच ही समस्या असेल तर थंड पाण्यामुळे ही समस्या आणखी वाढू शकते.
आपल्याला माहित आहे की, थंड पाणी प्यायल्याने घशाचा त्रास होऊ शकतो. यामुळे घशाचा संसर्ग होतो, ज्यामुळे कफ तयार होऊ लागतो.
मानवी शरीराचे तापमान किंचित उबदार असते, कारण शरीरात रक्ताभिसरण चालू असते. जास्त थंड पाणी प्यायल्याने शरीराच्या मज्जासंस्थेवर परिणाम होतो, त्यामुळे हृदयाची गती कमी होते. अनेक वेळा सतत जास्त थंड पाणी पिण्यानेही हृदयविकार होऊ शकतो.