SIP vs FD Investment : आजकाल अनेक लोक श्रीमंत होण्याचं स्वप्न पाहतात, पण योग्य गुंतवणुकीचा पर्याय निवडणं ही खरी कसरत आहे. दोन प्रमुख पर्याय समोर असतात, एकरकमी फिक्स्ड डिपॉझिट (FD) की दरमहा सिस्टेमॅटिक इन्व्हेस्टमेंट प्लॅन (SIP)? चला पाहूया या दोघांपैकी कोणता पर्याय तुम्हाला लवकर कोट्यधीश बनवू शकतो.

फिक्स्ड डिपॉझिट (FD) काय आहे?

FD ही बँक किंवा आर्थिक संस्थेकडून दिली जाणारी एक सुरक्षित गुंतवणूक योजना आहे. यात तुम्ही एकरकमी रक्कम (उदा. ₹10 लाख) एका निश्चित कालावधीसाठी गुंतवता आणि त्यावर एक ठराविक व्याज मिळते. सध्या FD वर सरासरी व्याजदर 5.5% ते 7.5% दरम्यान आहे.

जर तुम्ही ₹10 लाख FD 7% व्याजदराने केली, तर 35 ते 36 वर्षांत ही रक्कम ₹1 कोटी होईल.
एकूण गुंतवणूक: ₹10,00,000
एकूण व्याज: ₹90,00,000
एकूण रक्कम: ₹1 कोटी
मात्र, वेळेआधी पैसे काढल्यास दंड आकारला जातो.

SIP म्हणजे काय?

SIP ही म्युच्युअल फंडात नियमित रक्कम गुंतवण्याची योजना आहे. यात तुम्ही दरमहा एक ठराविक रक्कम (उदा. ₹5,000) इक्विटी किंवा हायब्रीड फंडात गुंतवता. SIP मधील रिटर्न मार्केटवर अवलंबून असतो, पण दीर्घकालीन गुंतवणुकीत 12% ते 15% पर्यंत सरासरी परतावा मिळू शकतो.

जर तुम्ही दरमहा ₹5,000 SIP मध्ये 12% व्याजदराने गुंतवले, तर 24 ते 25 वर्षांत ही रक्कम ₹1 कोटी होईल.
एकूण गुंतवणूक: ₹15,00,000 (₹5,000 × 12 महिने × 25 वर्ष)
एकूण परतावा: ₹85,00,000
एकूण रक्कम: ₹1 कोटी

कोणता पर्याय अधिक फायदेशीर?

पर्याय	गुंतवणूक	कालावधी	अंदाजित परतावा	अंतिम रक्कम
FD	₹10 लाख	35-36 वर्ष	₹90 लाख	₹1 कोटी
SIP	₹5,000/महिना	24-25 वर्ष	₹85 लाख	₹1 कोटी