Wular Lake Kashmir Lotus Flowers : जम्मू-काश्मीरमधील बांदीपोरा जिल्ह्यात असलेल्या वुलर सरोवरात तब्बल ३० वर्षांनंतर पुन्हा एकदा कमळाची सुंदर गुलाबी फुलं उमलली आहेत, आणि त्यामुळे स्थानिक शेतकरी, रहिवासी आणि पर्यावरणप्रेमींमध्ये आनंदाचे वातावरण आहे. ही घटना स्थानिक जैवविविधतेच्या पुनरुज्जीवनाचे सकारात्मक लक्षण मानली जात आहे.
आशियातील सर्वात मोठे गोड्या पाण्याचे सरोवर
वुलर सरोवर हे आशियातील सर्वात मोठे गोड्या पाण्याचे सरोवर आहे, जे श्रीनगरपासून सुमारे ६७ किमी अंतरावर वसलेले असून, हरमुख पर्वतांच्या कुशीत वसले आहे. वुलर सरोवर आपल्या प्राकृतिक सौंदर्य, जलचर जीवसृष्टी आणि जैवविविधतेसाठी प्रसिद्ध आहे.
Lotus blooms in Kashmir’s Wular lake after 30 years: ‘Thought we lost god’s gift forever’ 👍
— Shuaib masoodi (@shuaibmasoodi) July 10, 2025
Abdul Aziz Dar, a lotus stem farmer and a local resident, touches a lotus at the Wular lake in Kashmir's Bandipora #bandipora #wularlake #lotus #nadru @shuaibmasoodi @IndianExpress pic.twitter.com/3qih1mohhj
१९९२ मधील पूर आणि नष्ट झालेली समृद्धी
सप्टेंबर १९९२ मध्ये आलेल्या भीषण पुरामुळे वुलर सरोवरात मोठ्या प्रमाणात गाळ साचला होता. यामुळे कमळाचे रोप जिवंत राहू शकले नाहीत. जलप्रदूषण, अनियंत्रित मासेमारी आणि पाण्याच्या पातळीत बदल झाल्याने कमळांची नैसर्गिक वाढ थांबली होती.
सरकारी प्रयत्नांना यश – वुलरमध्ये पुन्हा जीवन
शासनाने गेल्या काही वर्षांत वुलर सरोवरात सफाई, प्रदूषण नियंत्रण आणि जलसंवर्धनासाठी विशेष मोहीम राबवली. त्याचा परिणाम म्हणून आज पुन्हा कमळांची फुलं नजरेस पडत आहेत. यामुळे सरोवराची पारिस्थितिक समृद्धी आणि जैविक स्वास्थ्य सुधारले आहे.
स्थानिक सहभागातून पर्यावरण संवर्धन
स्थानिक प्रशासन आणि रहिवासी मिळून वुलरच्या संवर्धनासाठी जनजागृती मोहीम राबवत आहेत. यामुळे ही नैसर्गिक संपत्ती पुन्हा तिच्या पूर्वीच्या रूपात परत येईल अशी अपेक्षा आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!