Petrol Diesel Price Today : कच्च्या तेलाच्या किमतीत चढ-उतार सुरूच आहेत. गेल्या काही काळात आंतरराष्ट्रीय बाजारात कच्च्या तेलाच्या किमतीत सातत्याने घसरण होत आहे. आज म्हणजेच २४ नोव्हेंबर २०२२ रोजीही कच्च्या तेलाच्या किमतीत घसरण दिसून आली. दरम्यान, डब्ल्यूटीआय कच्च्या तेलाच्या किमतीत घट झाल्यानंतर ते प्रति बॅरल $ ७७. ६५ वर व्यवहार करत आहे. त्याच वेळी, ब्रेंट कच्च्या तेलाच्या किंमतीतही घट नोंदवली गेली आहे आणि ते प्रति बॅरल $ ८५. ४१ च्या आसपास व्यवहार करत आहे. काही देशांनी घेतलेल्या निर्णयाचा परिणाम असा झाला की क्रूडची विक्रमी पातळी घसरून एकावेळी $१०० च्या जवळपास पोहोचली.
मात्र, देशांतर्गत बाजारात गेल्या सहा महिन्यांपासून पेट्रोल-डिझेलचे दर (Petrol Diesel Price ) त्याच पातळीवर कायम आहेत. आज म्हणजेच गुरुवारीही देशात पेट्रोल-डिझेलच्या दरात कोणताही बदल झालेला नाही. तेल कंपन्यांनी २३ नोव्हेंबर २०२२ रोजीही पेट्रोल आणि डिझेलच्या किमती स्थिर ठेवल्या आहेत. अशाप्रकारे आज सलग १८६ वा दिवस आहे जेव्हा पेट्रोल आणि डिझेलच्या दरात कोणताही बदल झालेला नाही.
हेही वाचा – चुकूनही Google वर सर्च करू नका या ४ गोष्टी; तुरुंगात जाल!
देशातील महानगरांमध्ये पेट्रोल-डिझेलचे दर किती आहेत-
आज गुरुवारी देशात पेट्रोल आणि डिझेलच्या दरात कोणताही बदल झालेला नाही. देशाची राजधानी दिल्लीत गुरुवारी पेट्रोल ९६.७२ रुपये आणि डिझेल ८९.६२ रुपये प्रति लिटर दराने विकले जात आहे. मुंबईत पेट्रोल १०६.३१रुपये प्रति लिटर आणि डिझेल ९४.२७ रुपये प्रति लीटर दराने उपलब्ध आहे. याशिवाय चेन्नईमध्ये पेट्रोलचा दर १०२.६३ रुपये प्रति लिटर आणि डिझेलचा दर ९४.२४ रुपये प्रति लिटर आहे. त्याचवेळी कोलकाता येथे बुधवारी पेट्रोल १०६.०३ रुपये प्रति लिटर आणि डिझेल ९२.७६ रुपये प्रति लिटर दराने विकले जात आहे.
तुम्ही येथे एसएमएसद्वारे किंमत जाणून घेऊ शकता
पेट्रोल-डिझेलचे दर रोज बदलतात आणि सकाळी ६ वाजता अपडेट होतात. तुम्ही एसएमएसद्वारे पेट्रोल आणि डिझेलचे दैनंदिन दर देखील जाणून घेऊ शकता (How to Check Petrol-Diesel Rates Daily). इंडियन ऑइलचे ग्राहक RSP स्पेस पेट्रोल पंप कोड ९२२४९९२२४९ वर एसएमएस करून माहिती मिळवू शकतात आणि BPCL चे ग्राहक RSP ९२२३११२२२२ वर एसएमएस पाठवून माहिती मिळवू शकतात. तर, HPCL चे ग्राहक HPPprice ९२२२२०११२२ वर पाठवून किंमत जाणून घेऊ शकतात.