मायग्रेनमुळे हैराण झालाय? 'हे' घरगुती उपाय देतील आराम

मायग्रेन हा  एक प्रकारची डोकेदुखी आहे आणि तो मेंदूतील मज्जासंस्थेच्या विकारामुळे होतो. मायग्रेन ही डोक्यात वारंवार होणारी वेदना आहे जी विशेषतः डोक्याच्या अर्ध्या भागावर परिणाम करते. 

मायग्रेनमुळे मळमळ, उलट्या आणि प्रकाश आणि आवाजाची संवेदनशीलता वाढते. त्याच्या हल्ल्याचा कालावधी काही तासांपासून अनेक दिवसांपर्यंत असू शकतो. मायग्रेनचे नेमके कारण माहित नसले तरी ही स्थिती अनुवांशिक मानली जाते.

खराब जीवनशैली, खाण्यापिण्याच्या चुकीच्या सवयी, मोबाईल-लॅपटॉपचा अतीवापर यामुळे मायग्रेन उद्भवू शकते. अनेक वेळेस लोकं मायग्रेनच्या दुखण्यापासून आराम मिळवण्यासाठी पेनकिलरचा अवलंब करतात. जर तुम्हीही मायग्रेनच्या समस्येने त्रस्त असाल तर काही घरगुती उपायांच्या मदतीने तुम्ही हा त्रास दूर करू शकता.

लवंग पावडर

जर तुम्हाला अचानक तीव्र वेदना होत असतील तर लवंग पावडर तुमच्यासाठी खूप फायदेशीर आहे. तुम्हाला फक्त लवंग पावडरमध्ये मीठ घालून दुधासोबत सेवन करायचं आहे. यामुळे तुम्हाला त्वरित आराम मिळण्यास मदत होईल.

आले

आले हे आयुर्वेदिक औषध आहे. हे तुम्हाला मायग्रेनच्या वेदनापासून त्वरित आराम देण्यास मदत करते. आल्याच्या रसाचे सेवन करावे. 

दालचिनी

मायग्रेनच्या दुखण्यावर याचे सेवन फायदेशीर ठरते. पण वेदना होत असताना दालचिनी खाण्याची चूक अनेकजण करतात. खरं तर, दालचिनी पाण्यात बारीक करून अर्धा तास कपाळावर लावल्याने वेदना कमी होतात.

गरम तेलाचा मसाज 

मायग्रेनच्या दुखण्यामध्ये मोहरी किंवा खोबरेल तेल गरम करून डोक्याला मसाज केल्याने खूप फायदा होतो. 

लिंबाची साल

मायग्रेनचा त्रास कमी करण्यासाठी तुम्ही लिंबाच्या सालीचाही वापर करू शकता. यासाठी लिंबाची साले चोळून बारीक करा. ही पेस्ट कपाळावर लावा. लिंबाचा सुगंध इंद्रियांना शांत करण्यास मदत करतो.

टॉन्सिल्सचा त्रास होतोय, मग हे घरगुती उपाय करून पहा