FIR On Shah Rukh Khan and Deepika Padukone : बॉलीवूड स्टार शाहरुख खान आणि अभिनेत्री दीपिका पदुकोणवर फसवणुकीचा गुन्हा दाखल करण्यात आला आहे. कारण? त्यांनी जाहिरात केलेल्या 23 लाख रुपयांच्या गाडीमध्ये गंभीर बिघाड आल्याचा आरोप एका ग्राहकाने केला आहे.
काय आहे प्रकरण?
राजस्थानमधील भरतपूर जिल्ह्यातील 50 वर्षीय कीर्ती सिंग यांनी शाहरुख, दीपिका आणि अन्य 5 लोकांविरोधात मथुरागेट पोलीस स्टेशनमध्ये एफआयआर दाखल केली आहे. त्यांचा आरोप आहे की त्यांना ह्युंडई अल्काझार ही गाडी “डिफेक्टिव्ह” स्थितीत विकण्यात आली, आणि त्यामुळे त्यांच्या आणि त्यांच्या कुटुंबाच्या जीवाला धोका निर्माण झाला.
कारमध्ये काय बिघाड?
कीर्ती सिंग यांनी 2022 मध्ये ही गाडी 23.97 लाख रुपयांना खरेदी केली होती. त्यांनी सुरुवातीला ₹51,000 अ‍ॅडव्हान्स दिले, त्यानंतर ₹10.03 लाखाचे लोन घेतले, आणि उर्वरित रक्कम रोख भरली. पण काही दिवसातच गाडीत मॅन्युफॅक्चरिंग डिफेक्ट्स दिसू लागले.
हेही वाचा – Viral Video : भोजपुरी गाणं ऐकताच सापाने केलं असं काही, पब्लिकला हसू आवरत नाहीये!
गाडीमध्ये काय होतेय?
- अॅक्सेलरेटर दाबल्यावर आरपीएम वाढते पण स्पीड वाढत नाही
- गाडी थरथरते, आणि त्यामुळे अपघाताचा धोका निर्माण होतो
Shocking..⚠️
— Always Bollywood (@AlwaysBollywood) August 26, 2025
A case has been registered against #ShahRukhKhan and #DeepikaPadukone in Bharatpur, Rajasthan for allegedly marketing defective vehicles of Hyundai cars through a advertisement..🫢#KING #SRK pic.twitter.com/SWkcAksSEk
FIR कोणावर?
FIR मध्ये शाहरुख खान आणि दीपिका पदुकोण यांच्यासह खालील व्यक्तींची नावे आहेत:
- किम अनसो – सीईओ, ह्युंडई मोटर इंडिया
- तरुण गर्ग – होल टाइम डायरेक्टर आणि सीईओ
- नितीन शर्मा – एमडी, मालवा ऑटो सेल्स कुण्डली
- प्रियंका शर्मा – डायरेक्टर, मालवा ऑटो सेल्स
- एक अज्ञात व्यक्ती
या सर्वांवर फसवणूक, चुकीची माहिती देणे आणि ग्राहकाची दिशाभूल केल्याचा आरोप आहे.
कोर्टाने का घेतली दखल?
कीर्ती सिंग यांनी ACJM कोर्ट क्रमांक 2 मध्ये अर्ज दाखल केला होता. कोर्टाच्या आदेशावरून इस्तगासा पद्धतीने FIR नोंदवण्यात आली आहे. ग्राहकाने दावा केला आहे की, डीलरने सांगितले होते, “कारमध्ये कोणतीच अडचण येणार नाही, आणि काही त्रास झाल्यास आम्ही जबाबदार असू.”
सेलेब्रिटी अँडोर्समेंटचं धोकादायक रूप?
या प्रकरणामुळे पुन्हा एकदा सेलेब्रिटी जाहिरातींमधील जबाबदारीचा मुद्दा चर्चेत आला आहे. लोक मोठ्या स्टार्सवर विश्वास ठेवून उत्पादने खरेदी करतात. पण जेव्हा त्यात त्रुटी असतात, तेव्हा कायदेशीर कारवाई करण्याचा मार्ग निवडला जातो.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा