Vistara Year End Sale : नवीन वर्ष साजरे करण्यासाठी तुम्ही दुसऱ्या शहरात जाण्याचा विचार करत असाल तर तुमच्यासाठी एक आनंदाची बातमी आहे. देशातील सर्वात मोठी एअरलाइन इंडिगो नंतर, प्रीमियम विस्ताराने देखील वर्षाच्या शेवटी सेलची घोषणा केली आहे. विस्तारा नवीन वर्षात स्वस्त विमान प्रवासाची संधी देत आहे. टाटा समूहाच्या या विमान कंपनीची तीन दिवसांची विक्री सुरू झाली आहे. याअंतर्गत आज २९ डिसेंबरपर्यंत बुकिंग करता येणार आहे. या सेलमध्ये १० जानेवारी २०२३ ते ३० सप्टेंबर २०२३ पर्यंतच्या प्रवासासाठी तिकीट बुक करता येईल. देशांतर्गत प्रवासासाठी एकेरी तिकिटाची किंमत फक्त २०२३ रुपये ठेवण्यात आली आहे तर आंतरराष्ट्रीय परतीच्या तिकिटाची किंमत १३,६९९ रुपयांपासून सुरू होत आहे.
यापूर्वी इंडिगोने तीन दिवसांचा हिवाळी सेलही आणला होता. या सेलमधील हवाई तिकिटाची किंमत फक्त २०२३ रुपये ठेवण्यात आली होती. एअरलाईन्सची विक्री शुक्रवार, २३ डिसेंबर ते २५ डिसेंबरपर्यंत चालली. या सेलमध्ये १५ जानेवारी २०२३ ते १४ एप्रिल २०२३ पर्यंतच्या प्रवासासाठी तिकीट खरेदी करण्याची सुविधा देण्यात आली होती. देशात कोरोनाच्या कालावधीनंतर हवाई वाहतूक बर्‍याच प्रमाणात सामान्य झाली आहे. नवीन वर्षाची सुट्टी साजरी करण्यासाठी मोठ्या संख्येने लोक विमानाने प्रवास करत आहेत. त्यामुळे देशातील अनेक विमानतळांवर प्रचंड गर्दी दिसून येत आहे.
Enjoy discounted fares to both domestic and international with #Vistara Year End Sale valid only until 29 Dec'22 for travel between 10 Jan'23 & 30 Sep'23 – call us for bookings on +91 124 416 3030.#TraveasyIndia #Travel2023 pic.twitter.com/Ky27tW1aNh
— Traveasy (@TraveasyIN) December 27, 2022
हेही वाचा – Suniel Shetty : जेव्हा सुनील शेट्टीनं वाचवली होती १२८ मुलींची लाज, सर्वांना पाठवलं होतं विमानानं घरी!
टाटांचा हिस्सा
विस्तारा एअरलाइन ही टाटा आणि सिंगापूर एअरलाइन्स यांच्यातील संयुक्त उपक्रम आहे. जानेवारी २०१५ मध्ये त्यांनी पहिले उड्डाण केले. विस्तारा एअरलाइन्समध्ये टाटा समूहाचा ५१ टक्के हिस्सा आहे आणि उर्वरित ४९ टक्के हिस्सा सिंगापूर एअरलाइन्स (SIA) कडे आहे. अलीकडेच सिंगापूर एअरलाइन्सने विस्ताराचे टाटा समूहाच्या एअरलाइन कंपनी एअर इंडियामध्ये विलीनीकरण करण्याची घोषणा केली. या विलीनीकरण करारांतर्गत, SIA एअर इंडियामध्ये २०५८.५ कोटी रुपयांची गुंतवणूक करेल.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!