Lifestyle Inflation : आधुनिक आणि स्मार्ट जीवनशैली आजच्या पिढीची प्राथमिकता बनली असली, तरी त्याचे आर्थिक परिणाम अनेकांना दीर्घकालीन धक्के देत आहेत. ‘लाइफस्टाइल इन्फ्लेशन’ – म्हणजे गरजेपेक्षा अधिक खर्च करण्याची सवय – ही गोष्ट तरुणाईपासून ते मध्यमवर्गीय कुटुंबांपर्यंत सर्वांच्या सेव्हिंग आणि इन्व्हेस्टमेंट प्लॅनवर परिणाम करत आहे.
जीवनशैलीमुळे कसा होतो आर्थिक तोटा?
अनावश्यक खर्चात वाढ
महागडे स्मार्टफोन, डिझायनर कपडे, OTT आणि फिटनेस सब्सक्रिप्शन, फूड डिलिव्हरी ऍप्स यामुळे खर्च नुसताच वाढतोय. सर्वेक्षणानुसार, सुमारे ४५% तरुण त्यांच्या उत्पन्नाचा ३०% हून अधिक पैसा केवळ लाइफस्टाइलवर खर्च करत आहेत.
EMI आणि कर्जाचा वाढता भार
क्रेडिट कार्ड, पर्सनल लोन आणि अनियोजित महागडे खरेदी यामुळे बचतीवर मोठा परिणाम होतोय. RBI च्या 2023 च्या डेटानुसार, भारतात पर्सनल लोन ₹४० लाख कोटींहून अधिक असून, त्यातील ३५% लोन तरुणांकडून घेतलेले आहेत.
सोशल मीडियामुळे खर्चात वाढ
‘दिखावा’ संस्कृतीमुळे अनेक जण गरज नसताना महागड्या गोष्टी विकत घेत आहेत. यामुळे आर्थिक असंतुलन निर्माण होतेय आणि सेविंग्ज दूर जात आहेत.
लाइफस्टाइल आणि फायनान्समध्ये कसा ठेवाल समतोल?
- 50-30-20 नियम
- ५०% उत्पन्न गरजेसाठी३०% लाइफस्टाइलसाठी
- २०% बचतीसाठी (SIP, FD, म्युच्युअल फंड)
- ‘नो-स्पेंड डे’ ठरवा
आठवड्यात एक दिवस पूर्ण खर्चमुक्त ठेवा – ही सवय पैसे वाचवायला मदत करते. - EMI पासून सावध राहा
अनावश्यक वस्तूंसाठी कर्ज घेणे टाळा. कर्जाचे मासिक हप्ते हे तुमच्या उत्पन्नाच्या १०% पेक्षा अधिक नसावेत. - सॅलरी आली की आधी बचत करा
महिन्याच्या सुरुवातीलाच उत्पन्नाचा किमान २०% भाग सेविंगमध्ये वळवा. - स्पष्ट आर्थिक लक्ष्य निश्चित करा
शॉर्ट-टर्म (फॅमिली ट्रिप), मिड-टर्म (कार खरेदी), लॉन्ग-टर्म (निवृत्ती) यासाठी वेगवेगळे फंड्स ठेवा.
(टीप : हा लेख केवळ माहितीच्या उद्देशाने लिहिलेला आहे. गुंतवणुकीसाठी तज्ज्ञ आर्थिक सल्लागारांचा सल्ला अवश्य घ्या.)
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!