Hardik Pandya Injury Update In Marathi : भारताचा अष्टपैलू खेळाडू आणि उपकर्णधार हार्दिक पांड्या दुखापतीमुळे न्यूझीलंडविरुद्धच्या आगामी सामन्यात खेळणार नसल्याचे बीसीसीआयने स्पष्ट केले आहे. 20 ऑक्टोबरला म्हणजेच आज तो टीम इंडियासोबत धरमशालाला जाणार नाही. हार्दिक पांड्या आता थेट लखनऊला जाईल, जिथे भारताचा सामना गतविजेत्या इंग्लंडशी होणार आहे. बांगलादेशविरुद्धच्या सामन्यात आपल्या स्पेलचे पहिले षटक टाकणारा हार्दिक पांड्या तिसऱ्या चेंडूवर चौकार रोखण्याच्या प्रयत्नात दुखापतग्रस्त झाला.
विराट कोहलीने हार्दिकचे उर्वरित षटक पूर्ण केले. हार्दिकला नंतर स्कॅनसाठी नेण्यात आले. बीसीसीआयने शुक्रवारी एक प्रसिद्धीपत्रक जारी करून म्हटले आहे की, ‘पुण्यातील महाराष्ट्र क्रिकेट असोसिएशन स्टेडियमवर बांगलादेश विरुद्ध भारताच्या सामन्यात स्वतःच्या गोलंदाजीवर क्षेत्ररक्षण करताना टीम इंडियाचा उपकर्णधार हार्दिक पंड्याला दुखापत झाली. त्याला स्कॅनसाठी नेण्यात आले असून त्याला विश्रांतीचा सल्ला देण्यात आला आहे. तो बीसीसीआयच्या वैद्यकीय पथकाच्या सतत देखरेखीखाली असेल.
हेही वाचा – Horoscope Today In Marathi : धनु आणि सिंह राशीच्या लोकांना शुभ योगाचा लाभ, वाचा आजचे संपूर्ण राशीभविष्य
न्यूझीलंडविरुद्धच्या मोठ्या सामन्यापूर्वी हार्दिक पांड्या (Hardik Pandya Injury News) दुखापतीमुळे बाहेर पडणे हा टीम इंडियासाठी मोठा धक्का आहे. आतापर्यंत हार्दिक पांड्या संघात तिसरा वेगवान गोलंदाज आणि फिनिशरची भूमिका बजावत होता. त्याच्या दुखापतीनंतर भारताकडे हार्दिकचा बदली खेळाडू नाही. अशा परिस्थितीत टीम इंडियाला धरमशालामध्ये फलंदाजी किंवा गोलंदाजीमध्ये तडजोड करावी लागेल.
हार्दिक पांड्याऐवजी 11 मधील मोहम्मद शमी, आर. अश्विन आणि सूर्यकुमार यादव या तीन खेळाडूंना स्थान मिळू शकते. शमीच्या आगमनाने गोलंदाजी बळकट होईल, पण फलंदाजीतील खोली कमी होईल. धरमशाला खेळपट्टी फिरकीपटूंसाठी योग्य नाही. अशा परिस्थितीत समतोल निर्माण करण्यासाठी भारताला दोन बदल करावे लागतील. हार्दिक पांड्याच्या जागी सूर्यकुमार यादवला तर शार्दुल ठाकूरच्या जागी मोहम्मद शमीला संधी द्यावी लागेल. या स्थितीत टीम इंडिया पांड्याची कमतरता पूर्ण करू शकते.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!