Delhi Police Suspension : दिल्लीतील लाल किल्ला परिसरात स्वतंत्रता दिनाच्या तयारीसाठी चालू असलेल्या सिक्योरिटी मॉक ड्रिल दरम्यान मोठी गाफिलगिरी समोर आली आहे. एक डमी (नकली) बॉम्ब शोधण्यात अपयशी ठरलेल्या 7 पोलीस कर्मचाऱ्यांना निलंबित करण्यात आलं आहे. या कर्मचाऱ्यांमध्ये एक हेड कॉन्स्टेबल आणि 6 अन्य कॉन्स्टेबल्सचा समावेश आहे.
दिल्ली पोलिसांच्या स्पेशल सेलने नागरी वेशात लाल किल्ला परिसरात प्रवेश करून साथीला एक डमी बॉम्ब नेला. पोलिसांच्या ड्युटीवर असलेल्या टीमला तो बॉम्ब शोधण्याचं काम देण्यात आलं होतं, पण कोणालाच तो सापडला नाही. ही चूक सुरक्षा यंत्रणेतील मोठी उणीव मानत सातही कर्मचाऱ्यांना तात्काळ निलंबित करण्यात आलं आहे.
लाल किल्ल्यावर 15 ऑगस्टचा मुख्य कार्यक्रम
15 ऑगस्ट रोजी देशाचे पंतप्रधान नरेंद्र मोदी लाल किल्ल्यावर तिरंगा फडकवून देशाला संबोधित करणार आहेत. ही त्यांची सलग 12वी वेळ असणार आहे. यापूर्वी पं. नेहरू आणि इंदिरा गांधींनीच हे यश प्राप्त केलं होतं. यंदा 2 ऑगस्ट ते 16 ऑगस्टदरम्यान लाल किल्ला परिसर नो फ्लाय झोन म्हणून घोषित करण्यात आला आहे. Delhi Police Commissioner SBK Singh यांनी सांगितलं की Indian Civil Security Code 2023 अंतर्गत ड्रोन, यूएव्ही, हॉट एअर बलून, मायक्रोलाइट विमानं यांना पूर्णतः बंदी आहे.
Days after seven policemen of North district were suspended after they failed to intercept a Delhi Police Special Cell team that snuck in with a dummy bomb during a mock drill at the Red Fort, now police personnel are checking credentials of colleagues of their own department. L pic.twitter.com/qEKTf7bjY9
— Mahender Singh Manral (@mahendermanral) August 5, 2025
हेही वाचा – पावसाचं पाणी डोळ्यात गेलं? ‘ही’ चूक ठरू शकते महागडी, काय कराल ते लगेच वाचा!
डॉग स्क्वॉडही सज्ज
यंदाच्या स्वतंत्रता दिनासाठी Delhi Police Dog Squad विशेष प्रशिक्षण घेत आहे. सब-इन्स्पेक्टर जितेंद्र डोगरा यांनी सांगितलं की, स्फोटक आढळल्यावर कुत्र्यांना आता केवळ शेपूट हलवणे किंवा हँडलरकडे बघणं अशी शांतीपूर्ण सिग्नलिंग पद्धत शिकवली आहे. कारण काही स्फोटकं आवाजानेही अ‍ॅक्टिव्ह होतात.
यंदाच्या भाषणासाठी पंतप्रधान नरेंद्र मोदींनी सोशल मीडियावरून नागरिकांकडून सूचना मागवलेल्या आहेत. त्यांनी नमो अ‍ॅप आणि मायGOV प्लॅटफॉर्मवरून आपले विचार मांडण्याचं आवाहन केलं आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!