महाराष्ट्रातील ग्रामपंचायत निवडणुका पुढे ढकलल्या; ‘ही’ आहे नवीन तारीख!

Maharashtra Gram Panchayat Election 2022 : महाराष्ट्रातील ग्रामपंचायत निवडणुकीच्या संदर्भात महत्त्वाची अपडेट समोर आली आहे. विविध १८ जिल्ह्यांतील ८२ तालुक्यांमधील १ हजार १६५ ग्रामपंचायतींच्या सार्वत्रिक निवडणुकांसाठी १३ ऑक्टोबर २०२२ ऐवजी आता १६ ऑक्टोबर २०२२ रोजी मतदान होईल; तर मतमोजणी १४ ऑक्टोबर २०२२ ऐवजी आता १७ ऑक्टोबर २०२२ रोजी होईल, अशी माहिती राज्य निवडणूक आयोगाच्या प्रसिद्धिपत्रकाद्वारे देण्यात आली.

राज्य निवडणूक आयोगाने ७ सप्टेंबर २०२२ रोजी १ हजार १६६ ग्रामपंचायतींचा निवडणूक कार्यक्रम जाहीर केला होता. त्यात सदस्यपदांसह थेट सरपंचपदाचाही समावेश आहे. सुधारित कार्यक्रमानुसार १६ ऑक्टोबर २०२२ रोजी सकाळी ७:३० ते सायंकाळी ५:३० या वेळेत मतदान होईल. नक्षलग्रस्त भागात दुपारी ३ वाजेपर्यंतच मतदानाची वेळ असेल. मतमोजणी १७ ऑक्टोबर २०२२ रोजी होईल. मतमोजणीचे ठिकाण व वेळ संबंधित तहसीलदार जिल्हाधिकाऱ्यांच्या मान्यतेने निश्चित करतील, असेही आयोगाच्या प्रसिद्धिपत्रकात नमूद केले आहे.

हेही वाचा – फाल्गुनी पाठक-नेहा कक्करची नेमकी भानगड काय? कशाला भांडताहेत दोघी?

निवडणूक आयोगाकडून १ हजार १६६ ग्रामपंचायतींच्या निवडणूक कार्यक्रमाची घोषणा करण्यात आली आहे. १८ जिल्ह्यातील ग्रामपंचातींसाठी मतदान होणार आहे.

ठाणे जिल्हा

कल्याण- ७, अंबरनाथ- १, ठाणे- ५, भिवंडी- ३१, मुरबाड- ३५, व शहापूर- ७९.

पालघर जिल्हा

डहाणू- ६२, विक्रमगड- २६, जव्हार- ४७, वसई- ११, मोखाडा- २२, पालघर- ८३, तलासरी- ११ व वाडा- ७०

रायगड जिल्हा

अलिबाग- ३, कर्जत- २, खालापूर- ४, पनवेल- १, पेण- १, पोलादपूर- ४, महाड- १, माणगाव- ३ व श्रीवर्धन- १.

रत्नागिरी जिल्हा

मंडणगड- २, दापोली- ४, खेड- ७, चिपळूण- १, गुहागर- ५, संगमेश्वर- ३, रत्नागिरी- ४, लांजा- १५ व राजापूर- १०.

सिंधुदुर्ग जिल्हा

दोडामार्ग- २ व देवगड- २.

नंदुरबार जिल्हा

अक्कलकुवा- ४५, अक्राणी- २५, तळोदा- ५५ व नवापूर- ८१.

पुणे जिल्हा

मुळशी- १ व मावळ- १.

नाशिक जिल्हा

इगतपुरी- ५, सुरगाणा- ६१, त्र्यंबकेश्वर- ५७ व पेठ- ७१.

सातारा जिल्हा

जावळी- ५, पाटण- ५ व महाबळेश्वर- ६

कोल्हापूर जिल्हा

भुदरगड- १, राधानगरी- १, आजरा- १ व चंदगड- १

अमरावती जिल्हा

चिखलदरा- १.

वाशीम जिल्हा

वाशीम- १.

नागपूर जिल्हा

रामटेक- ३, भिवापूर- ६ व कुही- ८

वर्धा जिल्हा

वर्धा- २ व आर्वी- ७

चंद्रपूर जिल्हा

भद्रावती- २, चिमूर- ४, मूल- ३, जिवती- २९, कोरपणा- २५, राजुरा- ३० व ब्रह्मपुरी- १

भंडारा जिल्हा

तुमसर- १, भंडारा- १६, पवणी- २ व साकोली- १.

गोंदिया जिल्हा

देवरी- १, गोरेगाव- १ गोंदिया- १, सडक अर्जुनी- १ व अर्जुनी मोर- २

गडचिरोली जिल्हा

चामोर्शी- २, आहेरी- २, धानोरा- ६, भामरागड- ४, देसाईगंज- २, आरमोरी-२, एटापल्ली- २ व गडचिरोली- २.

एकूण- ११६६