Bank Holidays : चालू आर्थिक वर्ष २०२२-२३ संपणार आहे. ३१ मार्चनंतर, १ एप्रिलपासून सुरू होणाऱ्या नवीन आर्थिक वर्ष २०२३-२४ मध्ये काही मोठे बदल होतील. हे बदल थेट पैसा आणि बँकांशी संबंधित आहेत. सर्व बँक ग्राहकांना एप्रिल २०२३ मध्ये येणार्‍या बँकेच्या सुट्ट्यांची माहिती असावी. तुमचेही एप्रिलमध्ये बँकेशी संबंधित काही काम असेल तर तुम्ही आत्तापासूनच प्लॅन करू शकता. अशा परिस्थितीत, तुम्हाला वेगवेगळ्या राज्यांमधील बँक सुट्ट्यांबद्दल देखील माहिती असणे आवश्यक आहे.
एप्रिल २०२३ मध्ये एकूण १५ दिवस बँका बंद
देशातील बहुतांश बँकांचे काम रिझर्व्ह बँक ऑफ इंडिया (RBI) द्वारे नियंत्रित केले जाते. रिझव्‍‌र्ह बँकेच्या (आरबीआय) संमतीनंतर बँकांच्या सुट्या निश्चित केल्या जातात. महिन्याच्या दुसऱ्या आणि चौथ्या शनिवार व्यतिरिक्त रविवारी सरकारी आणि खासगी बँका काम करत नाहीत. पुढील महिन्यात एप्रिलमध्ये १५ दिवसांची सुट्टी असेल. आरबीआयच्या आदेशानुसार, एप्रिल २०२३ मध्ये, बँका दुसऱ्या आणि चौथ्या शनिवारसह रविवारसह एकूण १५ दिवस बंद राहतील.
४ एप्रिल रोजी महावीर जयंतीची सुट्टी
एप्रिल महिन्यातील पहिली सुट्टी १ एप्रिल रोजी बँक खाती वार्षिक बंद झाल्यापासून सुरू होईल. ४ एप्रिल रोजी महावीर जयंतीची सुट्टी असेल. संपूर्ण महिनाभर बँकेच्या कामकाजात कोणतीही अडचण येणार नाही. या कालावधीत एटीएम, रोख ठेव, ऑनलाइन बँकिंग आणि मोबाइल बँकिंग सुरू राहतील. वेगवेगळ्या राज्यांनुसार सुट्ट्या बदलू शकतात.
हेही वाचा – Business Idea : मसाल्याच्या व्यवसायातून होते मोठी कमाई..! जाणून घ्या कसा करायचा बिजनेस
आरबीआयच्या मार्गदर्शक तत्त्वांनुसार, रविवार व्यतिरिक्त महिन्याच्या दुसऱ्या आणि चौथ्या शनिवारीही बँका बंद असतात. निगोशिएबल इन्स्ट्रुमेंट्स कायद्यांतर्गत, RBI ने १, ४, ५, ७, १४, १५, १८, २१ आणि २२ एप्रिल रोजी बँक सुट्टी जाहीर केली आहे. याशिवाय एप्रिलमध्ये २, ९, १६ एप्रिल रोजी ५ रविवार येत आहेत. ८ आणि २२ एप्रिलला दुसरा आणि चौथा शनिवार आहे.
एप्रिलमधील बँक सुट्ट्यांची यादी –
- १ एप्रिल २०२३ (शनिवार) – बँक खाते वार्षिक बंद करणे
- २ एप्रिल २०२३ (रविवार) – सुट्टी
- ४ एप्रिल २०२३ (मंगळवार) – महावीर जयंती
- ५ एप्रिल २०२३ (बुधवार) – बाबू जगजीवन राम यांचा जन्मदिन
- ७ एप्रिल २०२३ (शुक्रवार) – गुड फ्रायडे
- ८ एप्रिल २०२३ (शनिवार) – महिन्याचा दुसरा शनिवार
- ९ एप्रिल २०२३ (रविवार) – सुट्टी
- १४ एप्रिल २०२३ (शुक्रवार) – डॉ. बाबासाहेब आंबेडकर जयंती / बोहाग बिहू / चिराओबा / बैसाखी / बैसाखी / तामिळ नववर्ष दिन / महा बिसुभा संक्रांती / बिजू उत्सव / बिसू उत्सव
- १५ एप्रिल २०२३ (शनिवार) – विशू / बोहाग बिहू / हिमाचल दिवस / बंगाली नववर्ष दिवस
- १६ एप्रिल २०२३ (रविवार) – सुट्टी
- १८ एप्रिल २०२३ (मंगळवार) – शब-ए-कद्र
- २१ एप्रिल २०२३ (शुक्रवार) – ईद-उल-फित्र (रमजान ईद) / गरिया पूजा / जुमात-उल-विदा
- २२ एप्रिल २०२३ (शनिवार) – महिन्याचा चौथा शनिवार आणि रमजान ईद (ईद-उल-फित्र)
- २३ एप्रिल २०२३ (रविवार) – सुट्टी
- ३० एप्रिल २०२३ (रविवार) – सुट्टी