Central Govt On Insecticide Act : केंद्र सरकारने देशभरातील शेतकऱ्यांना जबरदस्त आणि आनंदाची बातमी दिली आहे. कीटकनाशक नियमांमध्ये बदल करून, सरकारने ई-कॉमर्स वेबसाइटद्वारे कीटकनाशकांच्या विक्रीला कायदेशीर मान्यता दिली आहे. म्हणजेच आता शेतकऱ्यांना कीटकनाशके घेण्यासाठी बाजारात जाण्याची गरज भासणार नाही, कारण कीटकनाशके त्यांच्या दारात पोहोचवली जाणार आहेत.
शेतकऱ्यांना ही सुविधा उपलब्ध करून देण्यासाठी सरकारने कीटकनाशक कायद्यात बदल केले आहेत. याबाबत माहिती देताना सीएनबीसी-आवाजचे प्रतिनिधी असीम मनचंदा म्हणाले की, केंद्र सरकारने ई-कॉमर्स वेबसाइट्सद्वारे कीटकनाशकांच्या विक्रीला कायदेशीर मान्यता दिली आहे. सरकारच्या या निर्णयानंतर आता ई-कॉमर्स कंपन्या कायदेशीररित्या कीटकनाशकांची विक्री करू शकणार आहेत. विशेष म्हणजे आता फक्त अॅमेझॉन आणि फ्लिपकार्टला कायदेशीररित्या कीटकनाशकांची विक्री करण्यास ग्रीन सिग्नल मिळाला आहे.
हेही वाचा – भारीच ना..! चक्क ६,००० रुपयांनी स्वस्त झाला OnePlus चा फोन; वाचा संपूर्ण ऑफर!
Centre amends the #InsecticideAct allowing e-commerce platforms including majors like @amazon and @Flipkart to home-deliver pesticides to farmers. @SangamSimc reports. https://t.co/K0sQ0IjaPl
— CNBC-TV18 (@CNBCTV18News) November 29, 2022
मात्र, कीटकनाशकांची विक्री करणाऱ्या कंपन्यांना यासाठी परवाना घ्यावा लागणार आहे. यासोबतच कंपन्यांना परवाना नियमांचे पालन करणेही बंधनकारक असेल. परवान्याची पडताळणी करण्याची जबाबदारी ई-कॉमर्स कंपन्यांची असेल. केंद्र सरकारचा हा निर्णय शेतकऱ्यांच्या हिताचा असून त्यामुळे कीटकनाशकांच्या बाजारपेठेतील स्पर्धा वाढणार असल्याचे जाणकारांचे म्हणणे आहे.
किडींच्या हल्ल्यामुळे शेतातील पिकांची मोठ्या प्रमाणात नासाडी होत आहे. दरवर्षी देशातील हजारो हेक्टर जमिनीवर उगवलेली पिके कीटकांमुळे निरुपयोगी ठरतात आणि त्यामुळे शेतकऱ्यांना मोठा आर्थिक फटका सहन करावा लागतो.