EPS Pension Increase : तुम्हाला EPS आणि EPFO यातील फरक माहितीये का? नोकरी करणाऱ्याला आणि EPS अंतर्गत येणाऱ्या कर्मचाऱ्याला माहीत असते, की रिटायरमेंटनंतर त्यांना पेन्शन मिळणार आहे. नोकरीवर असताना त्यांच्या पगारातून ही रक्कम कापली जाते. ही रक्कम २० वर्षांपेक्षा जास्त कापली गेली असले, त्यांना EPFO कडून बोनस मिळतो.
सामान्यतः कर्मचारी पेन्शन योजना (EPS) अंतर्गत समाविष्ट कर्मचार्‍यांना माहीत असते की ते निवृत्तीच्या वयापासूनच पेन्शनसाठी पात्र आहेत. बर्‍याच लोकांना हे माहीत नाही की जर ते कर्मचारी भविष्य निर्वाह निधी (EPF) अंतर्गत २० वर्षांहून अधिक काळ कव्हर केले गेले असतील तर ते देखील बोनसचे हक्कदार आहेत. हा बोनस पेन्शन योजनेअंतर्गत नमूद केल्यानुसार अतिरिक्त सेवा वर्षांच्या स्वरूपात दिला जातो. एकदा हा बोनस तुमच्या सेवा वर्षांमध्ये जोडला गेला की, तुम्ही प्राप्त करण्यास पात्र असलेल्या पेन्शनच्या रकमेमध्ये वाढ होते.
हेही वाचा – Free Ration : मोफत रेशन घेणाऱ्यांची लॉटरी..! सरकारनं केला ‘हा’ बदल; जाणून घ्या सविस्तर!
तज्ञ म्हणतात, जर एखाद्या कर्मचाऱ्याने EPF योजनेअंतर्गत २० वर्षे किंवा त्याहून अधिक काळ सेवा केली असेल, तर सेवा कालावधीत दोन वर्षे जोडली जातात. हा सेवा कालावधी एका नियोक्त्यासोबत किंवा वेगवेगळ्या नियोक्त्यांसोबत असू शकतो. परंतु ते ईपीएफ योजनेंतर्गत समाविष्ट आहेत. लक्षात घ्या की EPS अंतर्गत कमाल सेवा कालावधी ३५ वर्षे आहे.
बोनससाठी पात्र असलेल्या कर्मचाऱ्याला त्याच्या सेवेत बोनस सेवा वर्षे जोडल्यास त्याला जास्त पेन्शनची रक्कम मिळेल. हे (पेन्शनपात्र वेतन X पेन्शनयोग्य सेवा वर्षे)/ ७० अंतर्गत गणना करून केले जाते.
आपण एक उदाहरण घेऊ, जिथे एका कर्मचाऱ्याने EPF आणि EPS खात्यांमध्ये सतत योगदान देत २१ वर्षे अनेक नियोक्त्यांसोबत काम केले आहे. EPF कायद्यानुसार, पेन्शनपात्र वेतनाची कमाल मर्यादा १५,००० रुपये आहे. पात्र पेन्शन रक्कम रु. ४.५०० – (१५,०००X२१)/७०. आता, बोनस सेवा वर्षे (२ वर्षे) पेन्शनपात्र सेवा वर्षांमध्ये जोडल्यास, पेन्शनची रक्कम रु४.९२९ रुपये – (१५,०००X२३) /७० होईल. बोनस सेवा वर्षांच्या जोडीने पेन्शनच्या रकमेत ४२९ रुपयांनी वाढ झाली आहे.