Young Home Buyers Tips : गेल्या काही वर्षांत तरुणांमध्ये घर खरेदी करण्याची क्रेझ प्रचंड वाढली आहे. दिल्ली-एनसीआर, मुंबई, बंगळुरू, पुणे यांसारख्या मोठ्या शहरांत तरुणांकडून मोठ्या प्रमाणात प्रॉपर्टी खरेदी होत आहे. चांगली नोकरी, उच्च पगार, रिअल इस्टेट मार्केटमधील स्थिरता आणि गुंतवणुकीवर चांगला परतावा मिळणे, ही काही प्रमुख कारणे आहेत. मात्र, घर खरेदी करताना फसवणुकीच्या अनेक घटना घडल्या आहेत. त्यामुळे पहिल्यांदाच घर खरेदी करणाऱ्या तरुणांनी काही सुवर्णनियम लक्षात ठेवणे अत्यावश्यक आहे.
घर खरेदीपूर्वी आत्मसात करावेत हे कौशल्य
- बजेट निश्चित करा – मासिक नेट इनकमच्या ३०% पेक्षा जास्त रक्कम हाऊसिंग लोनच्या ईएमआयमध्ये टाकू नका.
- लोकेशन रिसर्च करा – मेट्रो, मॉल, कॉमर्शियल प्रोजेक्ट्स सुरू असलेल्या भागांचा शोध घ्या.
- विश्वासार्ह एजंटची मदत घ्या – अनुभवी रिअल इस्टेट एजंट चांगले डील मिळवून देऊ शकतात.
- फिजिकल इंस्पेक्शन करा – घराचे लोकेशन, बांधकामाची गुणवत्ता आणि कायदेशीर स्थिती तपासा.
- इन्फ्रास्ट्रक्चरची माहिती घ्या – रस्ता/रेल्वे कनेक्टिव्हिटी, शाळा, हॉस्पिटल, मार्केट आणि मनोरंजन केंद्रांची जवळीक पहा.
- कायदेशीर माहिती ठेवा – RERA नियम समजून घ्या, संबंधित राज्यातील बदल जाणून घ्या आणि RERA पोर्टलवर बिल्डरची विश्वासार्हता तपासा.
हेही वाचा – धर्माच्या आड पापाचा घोटाळा! ‘या’ मंदिरात बनावट सेवकांचा धुमाकूळ, पोलिसांनी १२ जणांना पकडलं
रिअल इस्टेट तज्ञांचा सल्ला
अंतरिक्ष इंडिया चे सीएमडी राकेश यादव यांच्या मते, घर खरेदीपूर्वी आपल्या आर्थिक स्थितीचे आणि सध्याच्या उत्पन्नाचे मूल्यांकन करणे आवश्यक आहे. फक्त वर्तमान पगारावर आधारित EMI ठरवणे धोकादायक असू शकते — कारण भविष्यात नोकरी बदलणे, उत्पन्न घटणे किंवा खर्च वाढणे या गोष्टी लक्षात घेतल्या जात नाहीत. बिल्डरचा ब्रोशर किंवा मॉडेल फ्लॅट पाहून लगेच बुकिंग करू नका. RERA रजिस्ट्रेशन, जमिनीचा टायटल, मंजूर नकाशा आणि बिल्डरचा जुना रेकॉर्ड तपासा. प्रोजेक्ट अद्याप बांधकामाधीन असेल, तर पजेशन टाइमलाइन आणि पेनल्टी क्लॉज समजून घ्या.
सर्वात महत्त्वाचे म्हणजे, आपल्या मासिक इनकमच्या ३५–४०% पेक्षा जास्त होम लोन EMI चा भार घेऊ नका. घर खरेदी हा भावनिक निर्णय असला तरी तो नेहमी दीर्घकालीन गुंतवणूक म्हणून पाहावा. योग्य संशोधन, कायदेशीर तपासणी आणि आर्थिक नियोजनानेच आपण आपले सपनोंचे घर सुरक्षितपणे आणि फायदेशीरपणे मिळवू शकता.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!