Iran War Aviation Impact : मध्यपूर्वेत सुरू असलेल्या संघर्षाचा परिणाम आता जगभरातील विमानप्रवासावर दिसू लागला आहे. Air New Zealand या विमान कंपनीने जेट इंधनाच्या झपाट्याने वाढलेल्या किमतीमुळे मोठा निर्णय घेतला आहे. कंपनीने जाहीर केले आहे की मेच्या सुरुवातीपर्यंत सुमारे 5% उड्डाणे म्हणजेच सुमारे 1,100 फ्लाइट्स कमी केल्या जाणार आहेत.
या निर्णयामुळे सुमारे 44,000 प्रवाशांच्या प्रवासावर परिणाम होणार असल्याचे कंपनीचे मुख्य कार्यकारी अधिकारी Nikhil Ravishankar यांनी सांगितले.
इंधन दरवाढीमुळे विमान कंपन्यांवर मोठा ताण
मध्यपूर्वेतील युद्धामुळे जागतिक तेल पुरवठा साखळीवर गंभीर परिणाम झाला आहे. त्यामुळे जेट इंधनाचे दर अचानक वाढले असून याचा थेट परिणाम विमान कंपन्यांच्या खर्चावर झाला आहे.
हेही वाचा – देशात LPG संकट येणार? राहुल गांधींचा मोठा इशारा, सरकारला तातडीची तयारी करण्याची मागणी
याच कारणामुळे अनेक आंतरराष्ट्रीय विमान कंपन्यांनी तिकीट दर वाढवण्याची घोषणा केली आहे. यामध्ये Qantas Airways, Scandinavian Airlines आणि Thai Airways यांचा समावेश आहे.
प्रवाशांना मोठा फटका
Air New Zealand ने सांगितले की मार्च ते मे या कालावधीत सुमारे 19 लाख प्रवासी प्रवास करणार होते, त्यापैकी 44 हजार प्रवाशांना पर्यायी फ्लाइट्स देण्याची व्यवस्था करावी लागणार आहे.
विशेषतः न्यूझीलंडमधील Marlborough आणि New Plymouth या भागातील विमानतळांवर सेवा कमी होणार आहे.
युरोप प्रवासासाठी अमेरिकेचा मार्ग लोकप्रिय
मध्यपूर्वेतील हवाई क्षेत्र मोठ्या प्रमाणात बंद झाल्यामुळे अनेक विमान कंपन्यांना पर्यायी मार्ग वापरावे लागत आहेत.
Air New Zealand ने सांगितले की अमेरिकेमार्गे युरोपला जाणाऱ्या फ्लाइट्सची मागणी वाढली आहे, कारण त्या मार्गावरून सुरक्षितपणे प्रवास करता येतो.
तेलाच्या किमतीत मोठी उडी
मध्यपूर्वेतील संघर्षामुळे जागतिक बाजारात तेलाच्या किमतीत मोठी वाढ झाली आहे. काही तज्ञांच्या मते कच्च्या तेलाचा दर भविष्यात 200 डॉलर प्रति बॅरलपर्यंत जाऊ शकतो, अशी भीती व्यक्त केली जात आहे.
यामुळे केवळ विमानप्रवासच नाही तर जागतिक पर्यटन, व्यापार आणि वाहतूक क्षेत्रावरही गंभीर परिणाम होण्याची शक्यता आहे.
विमान उद्योगासाठी महामारीनंतरचे सर्वात मोठे संकट?
तज्ज्ञांच्या मते सध्याची परिस्थिती कोरोनानंतर विमान उद्योगासाठी सर्वात मोठे संकट ठरू शकते. मध्यपूर्वेतील हवाई क्षेत्रावर ड्रोन आणि क्षेपणास्त्र हल्ल्यांच्या घटनांमुळे अनेक फ्लाइट्स रद्द किंवा मार्ग बदलून चालवाव्या लागत आहेत. त्यामुळे प्रवास खर्च वाढत असून अनेक मार्गांवर तिकीट दरही गगनाला भिडले आहेत.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा