Jan Dhan Account : तुम्ही जन धन खाते उघडले आहे का? मग ही बातमी जरूर वाचा. जन धन योजना खात्यात तुम्हाला अनेक सुविधा मिळतात. प्रधानमंत्री जन धन योजना (PMJDY Pradhanmantri Jan Dhan Yojna) अंतर्गत केंद्रातील मोदी सरकारने शून्य शिल्लक वर बचत खाती उघडली आहेत. यामध्ये अपघात विमा, ओव्हरड्राफ्ट सुविधा, चेकबुक यासह अनेक प्रकारचे फायदे उपलब्ध आहेत.
ओव्हरड्राफ्टमध्ये १०,००० रुपयांपर्यंतची सुविधा
जन धन योजनेंतर्गत, तुमच्या खात्यात शिल्लक नसली तरीही, तुम्हाला १०,००० रुपयांपर्यंत ओव्हरड्राफ्टची सुविधा मिळते. ही सुविधा अल्प कालावधीसाठी कर्जासारखी आहे. पूर्वी ही रक्कम ५००० रुपये होती, मात्र सरकारने ती वाढवून १०,००० रुपये केली आहे.
नियम काय आहे?
या खात्यातील ओव्हरड्राफ्ट सुविधेसाठी तुमची कमाल वयोमर्यादा ६५ वर्षे आहे. ओव्हरड्राफ्ट सुविधेचा लाभ घेण्यासाठी तुमचे जन धन खाते किमान ६ महिने जुने असावे. असे न झाल्यास केवळ २००० रुपयांची ओव्हरड्राफ्ट सुविधा उपलब्ध आहे.
हेही वाचा – Omicron BF.7 : खोकल्याची ‘ही’ दोन लक्षणे सांगतील तुम्हाला कोविड आहे की नाही! जाणून घ्या संपूर्ण माहिती
अशा प्रकारे तुमचे खाते उघडा
प्रधानमंत्री जन धन योजनेअंतर्गत सार्वजनिक क्षेत्रातील बँकांमध्ये खाते उघडता येते. तुम्हाला हवे असल्यास तुम्ही खासगी बँकेत तुमचे खाते उघडू शकता. तुमचे दुसरे बचत खाते असल्यास तुम्ही ते जन धन खात्यात रूपांतरित करू शकता. भारतातील कोणताही नागरिक, ज्याचे वय १० वर्षे किंवा त्याहून अधिक आहे, तो जन धन खाते उघडू शकतो.
खाते कसे उघडायचे?
देशातील सर्व बँकांमध्ये जन धन खाती उघडता येतात. हा सरकारचा महत्त्वाकांक्षी आर्थिक कार्यक्रम आहे. तुम्ही हे खाते बँकिंग, बचत, कर्ज, विमा, पेन्शन यासाठी वापरता. हे खाते कोणत्याही बँकेच्या शाखेत किंवा बिझनेस करस्पॉन्डंट आउटलेटमध्ये उघडता येते. PMJDY खाती शून्य शिल्लक वर उघडता येतात.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!