EPFO Higher Pension : जर तुम्ही कर्मचारी भविष्य निर्वाह निधी संघटनेचे (EPFO) सदस्य असाल तर ही बातमी तुम्हाला आनंद देईल. वास्तविक EPFO ने कर्मचारी पेन्शन योजना (EPS) अंतर्गत अधिक पेन्शनसाठी अर्ज करण्याची प्रक्रिया सुरू केली आहे. ज्या कर्मचाऱ्यांनी ३१ ऑगस्ट २०१४ पर्यंत उच्च निवृत्ती वेतनाचा पर्याय निवडला नव्हता, ते अजूनही हे काम करू शकतात. हे पाहता EPFO ने नुकतीच एक मार्गदर्शक सूचनाही जारी केली आहे. सदस्य आणि नियोक्ता ईपीएस अंतर्गत संयुक्तपणे अर्ज करू शकतील, असे या मार्गदर्शक तत्त्वात नमूद करण्यात आले आहे. नोव्हेंबर २०२२ मध्ये, सर्वोच्च न्यायालयाने कर्मचारी पेन्शन (सुधारणा) योजना, २०१४ वर शिक्कामोर्तब केले. यापूर्वी, २२ ऑगस्ट २०१४ च्या EPS सुधारणेने पेन्शनपात्र वेतन मर्यादा ६५०० रुपये प्रति महिना वरून १५००० रुपये प्रति महिना केली होती.
यात सूट देण्यात आली आहे की जर पगार या मर्यादेपेक्षा जास्त असेल तर ते EPS मध्ये वास्तविक पगाराच्या ८.३३% योगदान देऊ शकतात. सुधारित योजनेचा पर्याय न स्वीकारणाऱ्या कर्मचाऱ्यांना सर्वोच्च न्यायालयाने चार महिन्यांची मुदत दिली होती. न्यायालयाच्या निर्णयानुसार कर्मचाऱ्यांची दोन गटात विभागणी करण्यात आली.
दोन्ही श्रेणींबद्दल जाणून घ्या
पहिल्या श्रेणीत, अशा कर्मचाऱ्यांना ठेवण्यात आले आहे जे १ सप्टेंबर २०१४ पूर्वी EPS चे सदस्य होते आणि ज्यांनी जास्त पेन्शनचा पर्याय निवडला होता. दुसऱ्या श्रेणीमध्ये, अशा कर्मचाऱ्यांना ठेवण्यात आले होते जे १ सप्टेंबर २०१४ रोजी EPS चे सदस्य होते, परंतु त्यांनी अधिक पेन्शन मिळण्याचा पर्याय गमावला. EPFO ने २९ डिसेंबर २०२२ रोजी पहिल्या श्रेणीसाठी एक परिपत्रक जारी केले होते.
हेही वाचा – Gold Silver Price Today : सोन्या-चांदीचा भाव उतरला? जाणून घ्या आजचा दर
३ मार्चपूर्वी करा अर्ज
या अंतर्गत कर्मचारी ३ मार्च २०२३ रोजी किंवा त्यापूर्वी उच्च निवृत्ती वेतनाची निवड करू शकतात. तथापि, हा पर्याय केवळ त्या कर्मचाऱ्यांसाठी उपलब्ध असेल जे ३१ ऑगस्ट २०१४ रोजी कर्मचारी भविष्य निर्वाह निधीचे सदस्य होते आणि ज्यांनी EPS अंतर्गत उच्च निवृत्ती वेतनाचा पर्याय निवडलेला नाही.
EPFO ने क्षेत्रीय कार्यालयांद्वारे ‘संयुक्त पर्याय फॉर्म’ स्वीकारण्यासाठी मार्गदर्शक तत्त्वे जारी केली आहेत. ही प्रक्रिया लवकरच ऑनलाइन सुरू करण्यात येणार असून त्यासाठी URL (युनिक रिसोर्स लोकेशन) जारी करण्यात येणार असल्याचे संस्थेकडून सांगण्यात आले आहे. याबाबत माहिती देण्यासाठी प्रादेशिक पीएफ आयुक्त सूचना फलक व बॅनरद्वारे जनजागृती करणार आहेत.
अर्ज कसा करायचा?
- अधिक पेन्शन मिळविण्यासाठी, EPS सदस्याला त्याच्या जवळच्या EPFO कार्यालयात जावे लागेल.
- तेथे त्यांना अर्जासोबत काही कागदपत्रेही सादर करावी लागणार आहेत.
- आयुक्तांनी दिलेल्या पद्धतीनुसार व स्वरूपानुसार अर्ज द्यावा लागणार आहे.
- संयुक्त पर्यायामध्ये अस्वीकरण आणि घोषणा देखील असेल.
- अर्ज सादर झाल्यानंतर परिपत्रकानुसार त्यावर कार्यवाही केली जाईल.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!