Tajmahal Yamuna Water Level : नवी दिल्लीसह देशातील अनेक राज्यांमध्ये यमुनेच्या पाण्याच्या पातळीत लक्षणीय वाढ झाली आहे. संततधार पावसानंतर आग्रामध्येही यमुनेची पातळी वाढली आहे. यमुनेचे पाणी ताजमहालच्या भिंतीपर्यंत आल्याचे कळले होते, जे गेल्या काही वर्षांत प्रथमच घडले आहे. यमुनेचे वाढते पाणी पाहून आता हे पाणी ताजमहालच्या आत जाईल, अशी लोकांचे विचार आहेत.
1978 मध्ये यमुनेचे पाणी भिंतीपर्यंत पोहोचले होते. आता ताजमहालच्या मागे बांधलेली बाग पाण्यात बुडाली आहे आणि पाणी ताजमहालच्या अगदी जवळ आले आहे.
ताजमहालची देखरेख करणाऱ्या भारतीय पुरातत्व सर्वेक्षण (एएसआय) या ऐतिहासिक वास्तूला पाण्यापासून कोणताही धोका नसल्याचे म्हटले आहे. एएसआयचे अधीक्षक पुरातत्वशास्त्रज्ञ राज कुमार पटेल यांनी या संदर्भात इंडियन एक्स्प्रेसला सांगितले, “स्मारकात पुराचे पाणी शिरण्याची शक्यता नाही. इमारतीची रचना अशा प्रकारे करण्यात आली आहे की त्यातून कोणताही धोका नाही. अधिकाऱ्याचे म्हणणे आहे की जोरदार पूर आला तरी पाणी आत प्रवेश करू शकत नाही.”
हेही वाचा – WI Vs IND 2nd Test : रोहित शर्माचा धडाका, षटकार मारूनअर्धशतक ठोकलं आणि…
याचा मुख्य मकबरा उंच चबूतऱ्यावर बांधलेला आहे. त्याच्या भोवती 42 विहिरी आहेत आणि विहिरींच्या वर साल लाकडाची रचना आहे. ताजमहाल एक प्रकारे लाकडी पायावर बांधला गेला आहे आणि त्या लाकडांसाठी असे म्हणतात की ते पाण्यामुळे अधिक मजबूत होते. जेव्हा यमुनेतील पाणी कमी होते, तेव्हा ताजमहालसाठी ही चिंतेची बाब असते, कारण त्यामुळे पायातले लाकूड कमकुवत होते. काही लाकडे अशी असतात की त्यांना पाण्यामधूनच ऑक्सिजन मिळतो आणि त्यामुळे ते मजबूत राहतात.
यावरून असा अंदाज लावला जाऊ शकतो की ताजमहालची रचना एका खास पद्धतीने केली गेली आहे, ज्यामुळे इमारतीला कोणताही धोका नाही. सध्या यमुना आग्रा येथे 498 फूट पातळीवर वाहत असून, त्यात कमी पुराची पातळी 495 फूट तर मध्यम पातळी 499 फूट आहे. मात्र येत्या काही दिवसांत पुराचे पाणी 500 फूट ओलांडू शकते, असे मानले जात आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!