Free Ration : मोफत रेशनची सुविधा घेणाऱ्यांसाठी आनंदाची बातमी आहे. तुम्हीही प्रधानमंत्री गरीब कल्याण योजनेचा (PMGKAY) लाभ घेत असाल, तर आतापासून तुम्हाला दरमहा ३५ किलो धान्य मोफत मिळेल. नवीन वर्षात सरकारने हा मोठा निर्णय घेतला आहे. याबाबत सर्व राज्यांना मार्गदर्शक सूचनाही जारी करण्यात आल्या आहेत. १ जानेवारीपासून ८० कोटींहून अधिक लोकांना मोफत अन्नधान्याची सुविधा मिळणार आहे. विशेष म्हणजे तुम्हाला वर्षभर मोफत धान्याचा लाभ मिळणार आहे. आम्ही तुम्हाला सांगतो की कोणत्या लोकांना दरमहा ३५ किलो धान्य मोफत मिळेल.
२०२३ मध्ये दर महिन्याला मोफत रेशन
माहिती देताना अन्न मंत्रालयाने म्हटले आहे की, प्रधानमंत्री गरीब कल्याण योजनेअंतर्गत लाभार्थ्यांना मोफत रेशनची सुविधा दिली जात आहे. २०२३ मध्ये लाभार्थ्यांना रेशनची चिंता करण्याची गरज नाही, असे केंद्र सरकारने म्हटले आहे. सरकारने २०२३ वर्षभर मोफत रेशन सुविधा देण्याचा निर्णय घेतला आहे. या योजनेअंतर्गत तुम्हाला मोफत अन्नधान्य मिळेल.
हेही वाचा – Shani Shukra Gochar : ३० वर्षांनंतर बनणार अद्भुत योग, शनि-शुक्र संयोगाने ४ राशीच्या लोकांना फायदा
कोणाला मिळेल दरमहा ३५ किलो रेशन?
सरकारकडून मिळालेल्या माहितीनुसार, NFSA अंतर्गत प्राधान्य कुटुंबांना प्रति व्यक्ती आणि दरमहा मोफत रेशनची सुविधा मिळेल. प्रत्येक लाभार्थ्याला ५ किलो मोफत रेशन मिळेल, असे सरकारने म्हटले आहे. त्याचबरोबर अंत्योदय अन्न योजनेअंतर्गत प्रत्येक कुटुंबाला दरमहा ३५ किलो रेशन मिळणार आहे.
यासोबतच, डिसेंबर २०२२ पर्यंत, NFSA च्या लाभार्थ्यांना गहू आणि तांदूळ यांसारख्या भरडधान्यांसाठी प्रति किलो फक्त १ रुपये आणि २ रुपये खर्च करावे लागतील. या लोकांना रेशनवर सबसिडीचा लाभ मिळत होता, मात्र यंदा या लोकांना मोफत रेशन मिळणार आहे.
सरकारवर २ लाख कोटींहून अधिक भार
गरिबांच्या सुविधा लक्षात घेऊन शासनाने विशेष सुविधा सुरू केली आहे. अन्न अनुदानाच्या रूपात, सरकार या वर्षात म्हणजे २०२३ मध्ये २ लाख कोटी रुपयांहून अधिक खर्च करेल, जेणेकरून देशातील गरीब आणि इतर घटकांना अन्नाची चिंता करावी लागणार नाही.