Petrol Diesel Price Today : गेल्या नऊ महिन्यांपासून पेट्रोल आणि डिझेलचे दर स्थिर आहेत. मात्र आजही अनेक शहरांमध्ये पेट्रोल १०० रुपयांच्या वर विकले जात आहे. अलीकडेच अर्थमंत्री निर्मला सीतारामन यांच्या वक्तव्यानंतर लोकांमध्ये आनंदाची लाट उसळली होती. एका झटक्यात पेट्रोलचे दर प्रतिलिटर १८ रुपयांनी कमी होण्याची अपेक्षा लोकांना होती. राज्य सरकार खर्च कमी करण्यास तयार असेल तर पेट्रोलियम पदार्थांना जीएसटीच्या कक्षेत आणता येईल, असे अर्थमंत्र्यांनी सांगितले होते. यावर राज्य सरकारे तयार असतील, तर ती खूप मोठी प्रक्रिया आहे. मात्र यानंतर किमतीत मोठी घसरण होऊ शकते.
नवीनतम कच्च्या तेलाचे दर
यापूर्वी, अर्थमंत्र्यांनी असेही म्हटले होते की, कच्चे तेल, डिझेल-पेट्रोल आणि विमान इंधन (ATF) वर लागू केलेल्या नवीन कराचा सरकार दर १५ दिवसांनी पुनरावलोकन करेल. दर १५ दिवसांनी होणाऱ्या आढाव्यात ATF च्या किमतीतील चढउतार दिसून येतात. दरम्यान, कच्च्या तेलाच्या किमती नरमल्या आहेत. गेल्या काही दिवसांत क्रूडच्या दरात वाढ झाल्यानंतर पेट्रोल आणि डिझेलचे दर पुन्हा वाढण्याची अपेक्षा होती. सोमवारी सकाळी डब्ल्यूटीआय क्रूडची किंमत प्रति बॅरल $ ७६.५५ आणि ब्रेंट क्रूडची किंमत प्रति बॅरल $ ८३.२७ पर्यंत घसरली.
हेही वाचा – करोडोंचा मालक धोनीनं घेतली TVS ची ‘स्वस्त’ बाईक..! फीचर्स पाहून तुम्हीही खरेदी कराल
आजचे भाव काय आहेत?
- – पोर्ट ब्लेअरमध्ये पेट्रोल ८४.१० रुपये आणि डिझेल ७९.७४ रुपये प्रति लिटर
- – दिल्ली पेट्रोल ९६.७२ रुपये आणि डिझेल ८९.६२ रुपये प्रति लिटर
- – मुंबई पेट्रोल १११.३५ रुपये आणि डिझेल ९७.२८ रुपये प्रति लिटर
- – चेन्नई पेट्रोल १०२.६३ रुपये आणि डिझेल ९४.२४ रुपये प्रति लिटर
- – कोलकाता पेट्रोल १०६.०३ रुपये आणि डिझेल ९२.७६ रुपये प्रति लिटर
- – नोएडामध्ये पेट्रोल ९६.५७ रुपये आणि डिझेल ८९.९६ रुपये प्रति लिटर
- – लखनऊमध्ये पेट्रोल ९६.५७ रुपये आणि डिझेल ८९.७६ रुपये प्रति लिटर
- – जयपूरमध्ये पेट्रोल १०८.४८ रुपये आणि डिझेल ९३.७२ रुपये प्रति लिटर
- – तिरुअनंतपुरममध्ये पेट्रोल १०७.७१ रुपये आणि डिझेल ९६.५२ रुपये प्रति लिटर
- – पाटण्यात पेट्रोल १०७.२४ रुपये आणि डिझेल ९४.०४ रुपये प्रति लिटर
- – गुरुग्राममध्ये ९७.१८ रुपये आणि डिझेल ९०.०५ रुपये प्रति लिटर
- – बंगळुरूमध्ये पेट्रोल १०१.९४ रुपये आणि डिझेल ८७.८९ रुपये प्रति लिटर
- – भुवनेश्वरमध्ये पेट्रोल १०३.१९ रुपये आणि डिझेल ९४.७६ रुपये प्रति लिटर
- – चंदीगडमध्ये पेट्रोल ९६.२० रुपये आणि डिझेल ८४.२६ रुपये प्रति लिटर- हैदराबादमध्ये पेट्रोल १०९.६६ रुपये आणि डिझेल ९७.८२ रुपये प्रति लिटर
तुमच्या शहराचे दर कसे तपासायचे?
पेट्रोल आणि डिझेलचे नवीनतम दर तपासण्यासाठी तेल कंपन्या एसएमएसद्वारे दर तपासण्याची सुविधा देतात. दर तपासण्यासाठी, इंडियन ऑइलच्या (IOC) ग्राहकाला RSP<डीलर कोड> ९२२४९९२२४९ वर पाठवावा लागेल. HPCL ग्राहक HPPRICE <डीलर कोड> 9222201122 वर आणि BPCL ग्राहक RSP <डीलर कोड> 9223112222 वर पाठवावा लागेल.