PM Matritva Vandana Yojana : भारत सरकारच्या एका अतिशय महत्त्वाकांक्षी योजनेबद्दल तुम्ही वाचत आहात. या योजनेचे नाव प्रधानमंत्री मातृत्व वंदना योजना आहे. ही योजना भारत सरकारने २०१७ मध्ये सुरू केली होती. प्रधानमंत्री मातृत्व वंदना योजनेचा उद्देश देशातील गरीब आणि आर्थिकदृष्ट्या दुर्बल गर्भवती महिलांना आर्थिक सहाय्य प्रदान करणे आहे. या योजनेंतर्गत गरीब गर्भवती महिलांना ६ हजार रुपयांची आर्थिक मदत दिली जाते. शासनाकडून दिल्या जाणाऱ्या या आर्थिक मदतीचा फायदा घेऊन ती बाळाच्या जन्मावेळी योग्य आरोग्य सुविधा, उत्तम आहार यासह योग्य ती काळजी घेऊ शकेल. गरोदर महिलांच्या मृत्यूचे प्रमाण कमी करणे हा या योजनेचा उद्देश आहे.
कसे मिळतात पैसे?
प्रधानमंत्री मातृत्व वंदना योजनेंतर्गत, सरकार गरोदर महिलांना तीन टप्प्यांत ६००० रुपयांची आर्थिक मदत देते. याअंतर्गत पहिल्या टप्प्यात १ हजार रुपये, दुसऱ्या टप्प्यात २ हजार, तिसऱ्या टप्प्यात २ हजार आणि बाळाच्या जन्माच्या वेळी १ हजार रुपये दिले जातात.
हेही वाचा – जिममध्ये हार्ट अटॅक येऊन मृत्यू..! बॉलिवूडमधून अतिशय दु:खद बातमी
अर्ज कसा करायचा?
प्रधानमंत्री मातृत्व वंदना योजनेसाठी अर्ज करण्याची प्रक्रिया अगदी सोपी आहे. या योजनेअंतर्गत अर्ज करताना तुम्हाला कोणत्याही प्रकारची अडचण येणार नाही. तुम्ही https://wcd.nic.in/schemes/pradhan-mantri-matru-vandana-yojana वर जाऊन या योजनेसाठी सहज अर्ज करू शकता.
Nurturing mother and Child
– 3.11 Cr free ante-natal checkups under PM Surakshit Matritva Abhiyan.
– 4.1 Cr children vaccinated by under Mission Indradhanush
-2.6 Cr women received assistance for nutrition under PM Matru Vandana Yojana.
— Y. Satya Kumar (సత్యకుమార్) (@satyakumar_y) June 9, 2022
काय-काय कागदपत्रे लागतील?
याशिवाय, तुम्ही प्रधानमंत्री मातृत्व वंदना योजनेत ऑफलाइन देखील अर्ज करू शकता. योजनेत अर्ज करण्यासाठी, तुम्हाला रेशन कार्ड, मुलाचे जन्म प्रमाणपत्र, दोन्ही पालकांचे आधार कार्ड, बँक खात्याचे पासबुक, दोन्ही पालकांचे ओळखपत्र इत्यादी कागदपत्रांची आवश्यकता असेल. या योजनेत फक्त त्या महिला अर्ज करू शकतात, ज्यांचे वय १९ वर्षे किंवा त्याहून अधिक आहे. सरकारी नोकरी करणाऱ्या महिलांना मातृत्व वंदना योजनेचा लाभ घेता येत नाही.