SBI Recruitment 2023 : बँकेत नोकरी करून करिअर करू इच्छिणाऱ्या उमेदवारांसाठी स्टेट बँक ऑफ इंडियामध्ये 1000 हून अधिक पदांची भरती करण्यात आली आहे. इच्छुक आणि पात्र उमेदवार अर्ज प्रक्रियेत सामील होण्यासाठी 30 एप्रिल 2023 पर्यंत नोंदणी करू शकतात. या संदर्भात, स्टेट बँक ऑफ इंडिया (SBI) ने 1 एप्रिल रोजी जाहिरात (No.CRPD/RS/2023-24/02) जारी केली आहे. इच्छुक उमेदवार अर्ज करण्यासाठी sbi.co.in या अधिकृत वेबसाइटला भेट देऊ शकतात.
प्रसिद्ध केलेल्या जाहिरातीनुसार, इच्छुक आणि पात्र उमेदवार चॅनल मॅनेजर फॅसिलिटेटर, चॅनल मॅनेजर सुपरवायझर आणि सपोर्ट ऑफिसर या पदांसाठी अर्ज करू शकतात. एकूण पदांची संख्या 1022 आहे. उमेदवारांच्या माहितीसाठी, या भरती SBI द्वारे Anytime चॅनेल अंतर्गत कराराच्या आधारावर केल्या जाणार आहेत.
कोण अर्ज करू शकतो?
विशेष बाब म्हणजे तरुण उमेदवार अर्ज प्रक्रियेत सहभागी होऊ शकत नाहीत. या पदांसाठी फक्त SBI किंवा इतर कोणत्याही सरकारी बँकेतील निवृत्त कर्मचारी अर्ज करू शकतात.
हेही वाचा – Gold Silver Price Today : आज सोने-चांदीच्या दरात घसरण? जाणून घ्या दिल्ली, मुंबईतील भाव!
मुलाखतीद्वारे नोकरी
SBI मधील भरतीसाठी उमेदवारांची निवड मुलाखतीच्या आधारे केली जाईल. यासाठी प्रथम प्राप्त झालेल्या अर्जांची छाननी करून निवड केली जाईल. या उमेदवारांना मुलाखतीसाठी आमंत्रित केले जाईल. 100 गुणांच्या मुलाखतीच्या आधारे अंतिम निवड यादी तयार केली जाईल.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!