SSC CGL Recruitment 2022 : सध्या चांगल्या नोकरीच्या शोधात अनेकजण आहेत. मात्र, कधी-कधी पात्रता, शिक्षण असून देखील माहितीच्या अभावी ही संधी सर्वांपासून चुकते. त्यामुळेच ‘वाचा मराठी’नं पुढाकार घेत, नोकरीची संधी आणि त्याची माहिती गरजूंपर्यंत पोहोचवण्याचा एक प्रयत्न केला आहे. त्यामुळं नोकरीची गरज असलेला तरुणवर्ग खालील ठिकाणी अर्ज करु शकतील.
स्टाफ सिलेक्शन कमिशननं (SSC) एकत्रित स्तर पदवी परीक्षा (SSC CGL) २०२२ च्या गट C आणि B भरतीसाठी अधिसूचना जारी केली आहे. सरकारी नोकऱ्या शोधत असलेल्या पात्र उमेदवारांसाठी SSC CGL परीक्षा २०२२ साठी अर्ज करण्याची सुवर्णसंधी आहे. इच्छुक आणि पात्र उमेदवार SSC च्या अधिकृत वेबसाइट ssc.nic.in वर जाऊन ऑनलाइन अर्ज करू शकतात. आयोगानं जारी केलेल्या अधिसूचनेनुसार, ऑनलाइन अर्ज सादर करण्याची अंतिम तारीख ८ ऑक्टोबर २०२२ रात्री ११ वाजेपर्यंत आहे. तसेच रात्री ११ नंतर कोणताही अर्ज स्वीकारला जाणार नाही.
हेही वाचा – नारायण राणेंना हायकोर्टाचा दणका..! १० लाखांचा दंडही भरण्याचे आदेश
SSC CGL भरती २०२२ मोहिमेद्वारे भारत सरकारच्या विविध मंत्रालये/विभाग/संस्थांमध्ये गट B आणि C च्या २०,००० (तात्पुरती रिक्त जागा) जागा भरल्या जातील. यामध्ये विविध विभागातील सहाय्यक, सहायक अधिकारी, निरीक्षक, उपनिरीक्षक, कनिष्ठ सांख्यिकी अधिकारी, लेखा परीक्षक, लेखापाल, अप्पर विभागीय लिपिक अशा विविध पदांचा समावेश आहे. रिक्त पदांचे तपशील लवकरच अधिकृत वेबसाइटवर प्रसिद्ध केले जातील.
SSC CGL भरती २०२२ च्या महत्वाच्या तारखा
- ऑनलाइन अर्ज सुरू – १७ सप्टेंबर
- ऑनलाइन अर्ज करण्याची शेवटची तारीख – ८ ऑक्टोबर, रात्री ११ वाजेपर्यंत
- ऑनलाइन अर्ज फी जमा करण्याची शेवटची तारीख – ९ ऑक्टोबर २०२२, रात्री ११ वाजेपर्यंत
- चलनाद्वारे पेमेंट करण्याची अंतिम तारीख – १० ऑक्टोबर २०२२
- ‘अर्ज फॉर्म दुरुस्तीसाठी विंडो’ च्या तारखा – १२ आणि १३ ऑक्टोबर २०२२, रात्री ११ वाजेपर्यंत
- टियर-I (संगणक आधारित परीक्षा) चे तात्पुरते वेळापत्रक डिसेंबर २०२२
- टियर-II (संगणक आधारित परीक्षा) चे तात्पुरते वेळापत्रक नंतर सूचित केले जाईल.
Ssc cgl 2022 notification#ssccgl #ssccgl2022 @GaganPratapMath @abhinaymaths @NeetuSingh202 @GopalvermaEng @kmrvivek14 @SSCorg_in pic.twitter.com/jnVtQfkZjg
— Yatendra singh (@YatendraS398) September 17, 2022
हेही वाचा – Maharashtra Board SSC HSC 2023 Exams : दहावी, बारावीच्या परीक्षांचं वेळापत्रक जाहीर..! इथं वाचा तारखा
कोण अर्ज करू शकतो?
SSC CGL भरतीमध्ये कोणत्याही मान्यताप्राप्त विद्यापीठ किंवा संस्थेमधून बॅचलर पदवी असणं आवश्यक आहे. जर आपण वयोमर्यादेबद्दल बोललो, तर पात्र उमेदवारांचे वय १ जानेवारी २०२२ रोजी किमान १८-२० वर्षे आणि कमाल ३०-३२ वर्षे असावे. तथापि, राखीव प्रवर्गातील उमेदवारांना सरकारी नियमांनुसार उच्च वयोमर्यादेत सवलत दिली जाईल. अधिक तपशीलांसाठी खाली दिलेली सूचना काळजीपूर्वक वाचा.
अर्ज कसा करावा
- पायरी १: सर्व प्रथम SSC वेबसाइट ssc.nic.in वर जा.
- पायरी २: आधीच नोंदणीकृत नसल्यास, आवश्यक तपशील भरून नोंदणी करा.
- पायरी ३: जनरेट केलेला नोंदणी क्रमांक आणि पासवर्ड वापरून लॉग इन करा.
- पायरी ४: अर्ज, आवश्यक कागदपत्रे अपलोड करा आणि फी भरून फॉर्म सबमिट करा.
- पायरी ५: पुष्टीकरण पृष्ठ डाउनलोड करा आणि प्रिंटआउट घ्या आणि पुढील संदर्भासाठी ते तुमच्याकडे ठेवा.