Mercedes Tractor Accident : आंध्र प्रदेशातील तिरुपती येथे झालेल्या अपघातादरम्यान एक धक्कादायक घटना समोर आली आहे. येथे ट्रॅक्टर आणि मर्सिडीज बेंझ कार यांच्यात झालेल्या धडकेने ट्रॅक्टरचे दोन तुकडे झाले, तर कारमधील सर्व लोकांना किरकोळ दुखापत झाली. ही घटना सोमवारी घडली. तिरुपतीजवळील चंद्रगिरी बायपास रोडवर हा अपघात झाला. येथे अचानक चुकीच्या बाजूने चालणारा ट्रॅक्टर मर्सिडीज बेंझ कारसमोर आला. ट्रॅक्टर आणि मर्सिडीजमध्ये जोरदार धडक होऊन ट्रॅक्टरचे दोन तुकडे झाले. या अपघातात ट्रॅक्टर चालक किरकोळ जखमी झाला आहे.
नुकतेच देशातील प्रसिद्ध उद्योगपती सायरस मिस्त्री यांचे रस्ते अपघातात निधन झाले. मिस्त्री हेही मर्सिडीज बेंझ कारमधून प्रवास करत होते. या अपघातानंतर मर्सिडीजच्या सेफ्टी फीचरवरही प्रश्न उपस्थित झाले होते. मिस्त्री मर्सिडीज बेंझ जीएलसी २२० डी फोर मॅटिक प्रोग्रेसिव्ह कारमध्ये प्रवास करत होते, ज्यामध्ये सुरक्षा वैशिष्ट्ये आहेत. NCAP ने या कारला सेफ्टी क्रॅश टेस्टमध्ये ५-स्टार रेटिंग दिली आहे. या कारमध्ये १९५० cc इंजिनसह ७ एअरबॅग देण्यात आल्या आहेत.
हेही वाचा – फुकट्यांना नो चान्स..! आधार कार्ड दाखवून लग्नात मिळालं जेवण; Video पाहिला का?
Power of #Mercedes– A tractor broke into two parts after a head-on collision with a #MercedesBenz car near #Tirupati. No casualties were reported in the #accident. pic.twitter.com/6P2upX1uet
— Chaudhary Parvez (@ChaudharyParvez) September 27, 2022
Crazy! A speeding Mercedes Benz rammed into a tractor, breaking it into two. The driver of the tractor carrying sand was injured while the car occupant escaped unhurt. #Andhraprdesh pic.twitter.com/Zoa3Tg2JGZ
— Ashish (@KP_Aashish) September 27, 2022
यामध्ये रियर पॅसेंजर कर्टन एअरबॅग, ड्रायव्हर फ्रंटल एअरबॅग, फ्रंट पॅसेंजर फ्रंट एअरबॅग, ड्रायव्हर नी एअरबॅग, ड्राईव्ह साइड एअरबॅग यांचा समावेश आहे. कारमध्ये इंजिन इमोबिलायझर, लेन वॉच कॅमेरा/साइड मिरर कॅमेरा देण्यात आला आहे. याशिवाय, तुम्ही इतर सुरक्षा वैशिष्ट्ये पाहिल्यास, ASR/ट्रॅक्शन कंट्रोल, ३६०-डिग्री कॅमेरा, ऑटो-डिमिंग रीअर-व्ह्यू मिरर, ISOFIX (चाइल्ड-सीट माउंट), सेंट्रल लॉक सिस्टम, अँटी लॉक ब्रेकिंगसाठी सिस्टम (एबीएस), ब्लाइंड स्पॉट डिटेक्शन, ईबीडी (इलेक्ट्रॉनिक ब्रेक फोर्स डिस्ट्रिब्युशन), ईएसपी (इलेक्ट्रॉनिक स्टॅबिलिटी प्रोग्राम), ईबीए (इलेक्ट्रॉनिक ब्रेक असिस्ट), ट्रॅक्शन कंट्रोल सिस्टम (टीसी/टीसीएस), हाय स्पीड अलर्ट सिस्टम, पॅसेंजर साइड सीट -बेल्ट रिमाइंडर उत्कृष्ट वैशिष्ट्ये उपलब्ध आहेत.