Safety Car : क्रॅश टेस्ट एजन्सी ग्लोबल NCAP ने अलीकडेच भारतीय बाजारात विकल्या गेलेल्या काही कारच्या सुरक्षा चाचण्या केल्या आहेत. यामध्ये मारुती सुझुकी WagonR आणि Alto K10 ने अनुक्रमे 1 स्टार आणि 2 स्टार रेटिंग मिळवले आहे. यासोबतच फोक्सवॅगन व्हरटस आणि स्कोडा स्लाव्हिया सेडानची क्रॅश चाचणीही घेण्यात आली, ज्यामध्ये या दोन्ही कारने शानदार कामगिरी करताना 5 स्टार रेटिंग मिळवले आहे.
स्लाव्हिया आणि व्हरटस या दोघांनी प्रौढ आणि बाल संरक्षणात 5 स्टार रेटिंग मिळवले आहे. हे लक्षात घेण्यासारखे आहे की बेस-स्पेक मॉडेल चाचणीसाठी वापरले गेले होते, ज्यात ड्युअल एअरबॅग्ज, ESC आणि सीट बेल्ट प्रीटेन्शनर सारखी मूलभूत वैशिष्ट्ये आहेत. यामध्ये 1-लिटर TSI आणि 1.5-liter TSI पेट्रोल इंजिन उपलब्ध आहेत. किंमतीबद्दल बोलायचे झाल्यास, VW Virtus ची किंमत 11.21 लाख रुपयांपासून सुरू होते, तर Skoda Slavia ची किंमत 10.99 लाख रुपयांपासून सुरू होते.
एडल्ट प्रोटेक्शन
कॉम्पॅक्ट सेडानने एकूण 34 गुणांपैकी 29.71 गुण मिळवले. समोरच्या टक्करमध्ये ड्रायव्हर आणि प्रवाशाचे डोके, मान आणि गुडघे यांनी ‘चांगले’ संरक्षण दाखवले. तर फूटवेल क्षेत्र आणि बॉडीशेलला ‘स्थिर’ रेटिंग मिळाले.
हेही वाचा – Car Buying Tips : कार खरेदी करताना डिलरला विचारा हे ५ प्रश्न..! पैसे वाचतील
चाइल्ड प्रोटेक्शन
याला लहान मुलांच्या संरक्षणात 5 स्टार देखील मिळाले, जेथे स्लाव्हिया आणि व्हरटस यांनी 49 पैकी 42 गुण मिळवले. हे तीन वर्षांच्या मुलासाठी चाइल्ड सीटसह संपूर्ण सुरक्षा देते. याशिवाय 18 महिन्यांच्या मुलासाठीही चाइल्ड सीटसह संपूर्ण सुरक्षा प्रदान करण्यात आली आहे.
अशी सुरक्षा वैशिष्ट्ये
VW Virtus आणि Skoda Slavia या दोघांनाही त्यांच्या बेस-स्पेक व्हेरियंटमधून उच्च दर्जाची सुरक्षा मिळते. यात ड्युअल एअरबॅग्ज, EBD सह ABS, ESC, थ्री-पॉइंट सीट बेल्ट, टायर प्रेशर मॉनिटरिंग, रिअर डीफॉगर आणि ISOFIX माउंट्स सारखी सुरक्षा वैशिष्ट्ये आहेत. टॉप व्हेरियंटमध्ये सहा एअरबॅग्ज, ऑटो-डिमिंग IRVM, हिल-होल्ड असिस्ट आणि रिव्हर्सिंग कॅमेरा यासारखी चांगली वैशिष्ट्ये देखील मिळतात.
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!