Brain Eating Amoeba : केरळमध्ये एका अतिशय दुर्मिळ आणि घातक संसर्गाने खळबळ उडवली आहे. Naegleria fowleri नावाच्या सूक्ष्मजीवामुळे म्हणजेच ‘ब्रेन-ईटिंग अमीबा’ मुळे आतापर्यंत 19 लोकांचा मृत्यू झाला आहे. जागतिक आरोग्य संघटनेच्या माहितीनुसार, संपूर्ण जगभरात या संसर्गाची 500 पेक्षा कमी प्रकरणं नोंदवली गेली आहेत, पण त्यातील 120 हून अधिक प्रकरणं फक्त केरळमध्ये समोर आली आहेत!

काय आहे ब्रेन-ईटिंग अमीबा?

हा अमीबा गंधयुक्त आणि उष्णतेच्या पाण्यात वाढतो – विशेषतः तलाव, डबकी, नद्यांमध्ये. हा अमीबा पिण्याच्या पाण्यातून नव्हे, तर नाकेद्वारे शरीरात प्रवेश करतो, विशेषतः स्नान किंवा जलक्रीडा करताना. नाकातून तो मेंदूपर्यंत पोहोचतो आणि तिथे एक अतिशय धोकादायक संसर्ग निर्माण करतो, ज्याला Primary Amoebic Meningoencephalitis (PAM) म्हणतात.

हेही वाचा – “मी मुस्लिम आहे… पण भगवा रंग माझं प्रेम आहे”, नवा iPhone 17 घेताना एका युवकाचा जबरदस्त व्हिडिओ व्हायरल!

कोण आहे असुरक्षित?

मुले आणि तरुण – जे सर्रास जलक्रीडेत सहभागी होतात
ग्रामीण भागातील रहिवासी – जे उघड्या जलाशयातील पाणी वापरतात
कमी इम्युनिटी असलेले लोक – ज्यांच्यावर संसर्ग पटकन परिणाम करतो

सुरुवातीची लक्षणं

डोकेदुखी
ताप
उलटी
मान आखडणे
थकवा
भ्रम, कोमा आणि शेवटी मृत्यू

विशेषतः, सुरुवातीला याचे लक्षणं सामान्य व्हायरल इन्फेक्शनसारखी दिसतात, त्यामुळे निदान उशिरा होतं. यामुळे मृत्युदर 95% पेक्षा जास्त आहे.

केरळमध्ये इतकी प्रकरणं का वाढत आहेत?

डॉक्टरांच्या मते, केरळची उष्ण व दमट हवामान, अधिक पाऊस, आणि तलाव, झऱ्यांचा जास्त वापर हे मुख्य कारणं आहेत. अनेकदा या पाण्याची योग्य स्वच्छता न झाल्याने अमीबा पसरतो.

शहरी भागातही, नियमित साफ न केलेले स्विमिंग पूल ही संसर्गाची मोठी कारणं ठरतात.