Gold Silver Price Today : बुधवार, ११ जानेवारी रोजी, मल्टी कमोडिटी एक्सचेंज वर सोन्याचा भाव ०.०६ टक्के वेगाने व्यवहार करत आहे. आज चांदीच्या दरातही ०.२४ टक्क्यांनी वाढ झाली आहे. शेवटच्या ट्रेडिंग सत्रात एमसीएक्सवर सोन्याचा दर ०.३१ टक्क्यांनी आणि चांदीचा दर ०.३१ टक्क्यांनी घसरला. आंतरराष्ट्रीय बाजारात आज सोन्याच्या दरात वाढ झाली असली तरी चांदीच्या दरात घट झाली आहे.
बुधवारी, फ्युचर्स मार्केटमध्ये २४ कॅरेट शुद्ध सोन्याचा दर कालच्या बंद किमतीपासून सकाळी ९:२५ पर्यंत ३३ रुपयांनी वाढून ५५,७४५ रुपये प्रति १० ग्रॅम होता. आज सोन्याचा भाव ५५८१९ रुपये झाला. उघडल्यानंतर, मागणी अभावी किंमत एकदा ५५७०४ रुपयांवर गेली. पण, थोडे सावध राहिल्यानंतर तो ५५७४५ रुपयांवर व्यवहार करू लागला. शेवटच्या ट्रेडिंग सत्रात, एमसीएक्सवर सोन्याचा भाव १७४ रुपयांनी घसरून ५५६९० रुपयांवर बंद झाला.
प्रमुख शहरातील सोन्या चांदीचे दर
गुड रिटर्न्स वेबसाईटनुसार मुंबईमध्ये २२ कॅरेट सोन्याची किंमत प्रति १० ग्रॅम ५१,४५० रुपये आहे तर २४ कॅरेट सोन्याची किंमत ५६,१३० प्रति १० ग्रॅम आहे. पुण्यात प्रति १० ग्रॅम २२ कॅरेट सोन्याचा दर ५१,४५० असेल तर २४ कॅरेट सोन्याचा दर ५६,१३० रुपये असेल. नागपूर मध्ये प्रति १० ग्रॅम २२ कॅरेट सोन्याचा दर ५१,४५० तर २४ कॅरेट सोन्याचा दर ५६,१३० रुपये इतका असेल. नाशिकमध्ये २२ कॅरेट सोन्याचा दर ५१,४८० आहे तर प्रति १० ग्रॅम २४ कॅरेट सोन्याचा दर ५६,१६० रुपये आहे. चांदीचा आजचा प्रती १० ग्रॅमचा दर ७१८ रुपये आहे.
हेही वाचा – हे माहितीये का? पाकिस्तानकडून आलेल्या ‘या’ १० गोष्टी आपण नेहमी वापरतोय, खातोय!
चांदीची किंमत
मल्टी कमोडिटी एक्सचेंज (MCX) वर आज चांदीचा दर १६६रुपयांनी वाढून ६८५२९ रुपये प्रति किलोवर पोहोचला आहे. आज चांदीचा भाव रु.६८५०१ वर उघडला. किंमत एकदा ६८५३९ रुपयांवर गेली. परंतु, काही काळानंतर मागणीअभावी ६८५२९ रुपयांवर व्यवहार सुरू झाला. शेवटच्या ट्रेडिंग सत्रात एमसीएक्सवर चांदीचा भाव ५४५ रुपयांनी वाढून ६८३५५ रुपयांवर स्थिरावला.
आंतरराष्ट्रीय बाजारात सोने वाढले, चांदी घसरली
आंतरराष्ट्रीय बाजारात आज जिथे सोने हिरव्या चिन्हात व्यवहार करत आहे, तिथेच चांदीच्या दरातही घसरण झाली आहे. सोन्याचा भाव आज ०.३२ टक्क्यांनी वाढून $१८७६.७४ प्रति औंस झाला. त्याच वेळी, आंतरराष्ट्रीय बाजारात चांदीचा दर आज ०.०५ टक्क्यांनी घसरला आणि २३.६५ डॉलर प्रति औंसवर व्यवहार करत आहे.