Gold Silver Price Today : मौल्यवान धातू सोन्याने आज शुक्रवार, २० जानेवारीला तेजीची नोंद केली आहे. गेल्या दोन दिवसांपासून दबावाखाली व्यवहार करत असलेल्या सोन्याने आज वायदे बाजारात ५६६०० चा टप्पा ओलांडला असून, तो आयुष्यभराच्या उच्चांकाच्या जवळ पोहोचला आहे. मल्टी कमोडिटी एक्सचेंजवर सकाळी ०९:३५ च्या सुमारास एमसीएक्स गोल्ड १३३ रुपये किंवा ०.२४% ची वाढ नोंदवत होते आणि ५६६७९ रुपये प्रति १० ग्रॅमवर व्यवहार करत होते. MCX वर त्याचा आजीवन उच्चांक ५६७४६ आहे. मागील सत्रात तो ५६५४६ वर स्थिरावला होता. यादरम्यान चांदीच्या दरातही मोठी तेजी होती. तो ३३२ रुपये किंवा ०.४९% ची वाढ नोंदवत होता आणि त्याची किंमत प्रति किलो ६८६९१ रुपये होती.
सराफा बाजारात सोन्या-चांदीचे दर काय आहेत?
सराफा बाजारात सोन्या-चांदीचे दर घसरले आहेत. जागतिक बाजारातील कमकुवत ट्रेंड दरम्यान, गुरुवारी दिल्लीच्या सराफा बाजारात सोन्याचा भाव ५२ रुपयांनी घसरून ५६४७५ रुपये प्रति १० ग्रॅम झाला. गेल्या ट्रेडिंग सत्रात सोन्याचा भाव ५६५२७ रुपये प्रति १० ग्रॅमवर बंद झाला होता. चांदीचा भावही ८५० रुपयांनी घसरून ६८५०० रुपये प्रति किलोवर स्थिरावला.
हेही वाचा – Horoscope Today : ‘या’ राशीच्या लोकांना व्यवसाय आणि नोकरीत चांगल्या संधी मिळतील, वाचा…
गुड रिटर्न्स वेबसाईटनुसार, मुंबईमध्ये २२ कॅरेट सोन्याची किंमत प्रति १० ग्रॅम ५२,००० रुपये आह तर २४ कॅरेट सोन्याची किंमत ५६,७३० प्रति १० ग्रॅम आहे. पुण्यात प्रति १० ग्रॅम २२ कॅरेट सोन्याचा दर ५२,००० असेल तर २४ कॅरेट सोन्याचा दर ५६,७३० रुपये असेल. नागपूर मध्ये प्रति १० ग्रॅम २२ कॅरेट सोन्याचा दर ५२,००० तर २४ कॅरेट सोन्याचा दर ५६,७३० रुपये इतका असेल. नाशिकमध्ये २२ कॅरेट सोन्याचा दर ५२,०३० आहे तर प्रति १० ग्रॅम २४ कॅरेट सोन्याचा दर ५६,७६० रुपये आहे. चांदीचा आजचा प्रती १० ग्रॅमचा दर ७२१ रुपये आहे.
सोन्याची आंतरराष्ट्रीय किंमत: आंतरराष्ट्रीय सोन्याची किंमत
आंतरराष्ट्रीय बाजारात सोन्याने २५ डॉलरची उसळी घेत ९ महिन्यांत प्रथमच प्रति औंस १९३३ डॉलरवर पोहोचले. चांदी देखील १.५% वर चढून $२४ च्या जवळ पोहोचली आहे. कॉमेक्सवर सोने १९२३.९० डॉलर प्रति औंस आणि चांदी २३.८७ डॉलर प्रति औंसवर होती.