Gold Silver Price Today : सोन्या-चांदीचा भाव आज २३ डिसेंबर: आंतरराष्ट्रीय बाजारात सतत चढ-उतार सुरू असताना, भारतीय वायदा बाजारात सोने स्वस्त झाले आहे. आज, आठवड्याच्या शेवटच्या व्यवहाराच्या दिवशी म्हणजे शुक्रवार, २३ डिसेंबर रोजी, मल्टी कमोडिटी एक्सचेंज (MCX) वर सोन्याचा भाव ०.०८ टक्क्यांनी घसरून ५५००० रुपयांच्या खाली आला. दुसरीकडे, आज चांदीची किंमत (Silver Price Today) ०.३६ टक्क्यांनी वाढली आहे. विशेष म्हणजे गुरुवारी एमसीएक्स १.१३ टक्क्यांनी आणि चांदी १.७८ टक्क्यांनी घसरून स्थरावली.
आज सोन्या-चांदीचा भाव किती आहे?
आज मल्टी कमोडिटी एक्सचेंज (MCX) वर, सोने आणि चांदीच्या फ्युचर्स किमतीत घसरण झाली आहे. आज सकाळी ९.१० वाजता, MCX वर २४ कॅरेट शुद्ध सोन्याचे फ्युचर्स भाव ४१ रुपयांनी वाढून ५४४८० रुपये प्रति १० ग्रॅम, तर चांदीची किंमत २४५ रुपयांनी वाढून ६८७६५ रुपये प्रति किलोवर पोहोचली. आज सकाळी सोन्याचा दर ५४५१७ रुपये, तर चांदीचा दर आज ६८८२१ रुपयांवर उघडला गेला. किंमत एकदा ६८८६० रुपयांवर गेली. काल एमसीएक्सवर चांदीचा भाव १२३९ रुपयांनी घसरून ६८४७० रुपयांवर आला.
हेही वाचा – Free Ration : फ्री रेशन घेणार्यांसाठी खुशखबर..! सरकार आज करणार ‘मोठी’ घोषणा?
आंतरराष्ट्रीय बाजारात सोन्या-चांदीची किंमत
आता जागतिक बाजाराबद्दल बोलूया, आज आंतरराष्ट्रीय बाजारात सोन्या-चांदीचे भाव लाल चिन्हाने व्यवहार करत आहेत. स्पॉट सोन्याचा भाव आज १.२१टक्क्यांनी घसरून $१७९३.०८ प्रति औंस झाला, तर चांदीचा भाव आज १.२७ टक्क्यांनी घसरून $२३.६६ प्रति औंस झाला.
सराफा बाजाराची काय स्थिती आहे?
आता सराफा बाजाराबद्दल बोलूया, गुरुवारी दिल्ली सराफा बाजारात सोन्याच्या दरात ५९ रुपयांची वाढ तर चांदीच्या दरात १९४ रुपयांची घसरण झाली. गुरुवारी सराफा बाजारात सोन्याचा भाव ५९ रुपयांनी वाढून ५५२४१ रुपये प्रति १० ग्रॅम झाला.