Petrol-Diesel Price Today : कच्च्या तेलाच्या किमतीत चढ-उतार सुरूच आहेत. कच्च्या तेलात शुक्रवारी थोडीशी घसरण नोंदवली गेली आणि ब्रेंट क्रूडची किंमत $ ०.१२ किंवा ०.१४ टक्क्यांनी घसरून प्रति बॅरल $ ८६.७६ वर पोहोचली. WTI क्रूडची किंमत $०.१३ किंवा ०.१३ टक्क्यांनी घसरून $८१.०९ प्रति बॅरल झाली.
काही काळापासून कच्च्या तेलाच्या घसरणीचा किंवा वाढीचा परिणाम भारतीय बाजारपेठेतील पेट्रोल आणि डिझेलच्या किमतींवर दिसून येत नसल्याचे निदर्शनास आले आहे. आज प्रमुख महानगरांमध्ये किमती स्थिर आहेत, तर काही शहरांमध्ये वाहतूक आणि इतर कारणांमुळे पेट्रोल आणि डिझेलच्या किमतीत काही बदल झाले आहेत.
हेही वाचा – Post Office Scheme : दररोज फक्त ५० रुपये भरा आणि मिळवा ३५ लाख..! वाचा ‘या’ प्लॅनविषयी
दिल्ली, मुंबईसह प्रमुख महानगरांमध्ये आज पेट्रोल आणि डिझेलचे दर
दिल्लीत एक लिटर पेट्रोल ९६.७२ रुपये आणि डिझेल ८९.६२ रुपये प्रति लिटर आहे. कोलकात्यात एक लिटर पेट्रोल १०६.०३ रुपये आणि डिझेल ९२.७६ रुपये प्रति लिटरने विकले जात आहे. मुंबईत एक लिटर पेट्रोलची किंमत १०६.३१ रुपये आणि डिझेलची किंमत ९४. २७ रुपये आहे. चेन्नईमध्ये पेट्रोल १०२.६३ रुपये प्रति लिटर आणि डिझेलची किंमत ९४.२४ रुपये प्रति लीटर आहे.
तुमच्या शहरातील पेट्रोल आणि डिझेलची किंमत अशा प्रकारे तपासा
तुम्ही फक्त एका एसएमएसद्वारे पेट्रोल आणि डिझेलची किंमत सहज तपासू शकता. यासाठी इंडियन ऑइलच्या ग्राहकांना RSP कोड <space> ९२२४९९२२४९ वर एसएमएस करावा लागेल. याशिवाय ‘इंडियन ऑइल वन’ अॅप डाउनलोड करून तुम्ही जवळच्या पेट्रोल पंपावर पेट्रोल आणि डिझेलची किंमत शोधू शकता.