Petrol Diesel Price Today : कच्च्या तेलाच्या दरात घसरण झाल्यानंतर पुन्हा एकदा वाढ होत आहे. मंगळवार, २० जून २०२३ रोजी कच्च्या तेलात वाढीसह व्यापार होत होता. कच्च्या तेलाची किंमत प्रति बॅरल ७६ डॉलरच्या वर होती. डब्ल्यूटीआय कच्चे तेल ०.२४ टक्क्यांनी घसरून प्रति बॅरल $७१.३४ वर आले, तर ब्रेंट क्रूड तेल ०.०४ टक्क्यांनी वाढून $७६.१२ प्रति बॅरल झाले.
दरम्यान, देशातील तेल कंपन्यांनी पेट्रोल आणि डिझेलचे नवे दर जाहीर केले आहेत. नवी दिल्लीसह अनेक शहरांमध्ये इंधनाच्या दरात कोणताही बदल झालेला नाही, मात्र काही शहरे अशी आहेत जिथे पेट्रोल आणि डिझेलच्या दरात थोडा बदल करण्यात आला आहे.
देशातील महानगरांमध्ये पेट्रोल डिझेलचे दर
नवी दिल्लीत एक लिटर पेट्रोलची किंमत ९६.७२ रुपये आणि डिझेलची किंमत ८९.६२ रुपये आहे.
चेन्नईमध्ये पेट्रोलचा दर १०२.६३ रुपये आणि डिझेलचा दर ८९.६२ रुपये प्रति लिटर आहे.
मुंबईत एक लिटर पेट्रोलची किंमत १०६.३१ रुपये आणि डिझेलची किंमत ९४.२७ रुपये आहे.
कोलकातामध्ये पेट्रोलचा दर १०६.०३ रुपये तर डिझेलचा दर ९२.७६ रुपये आहे.
हेही वाचा – Horoscope Today : चंद्राचे राशीपरिवर्तन! वृषभ, धनु राशीसह ‘या’ राशींना मिळणार लाभ
पेट्रोल आणि डिझेलच्या दरात कुठे बदल झाला
नोएडा आणि ग्रेटर नोएडामध्ये पेट्रोल आणि डिझेलच्या दरात कोणताही बदल झालेला नाही. येथे एक लिटर पेट्रोल ९६.65 रुपये प्रति लिटर आणि डिझेल ८९.८२ रुपये प्रति लिटर आहे. गाझियाबादमध्ये एक लिटर पेट्रोल ९६.५८ रुपये आणि डिझेल ८९.७५ रुपये प्रति लिटर दराने विकले जात आहे. लखनऊमध्ये पेट्रोलचा दर ९६.५६ रुपये प्रति लिटर आणि डिझेलचा दर ८९.७५ रुपये प्रति लिटर आहे.
प्रयागराजमध्ये पेट्रोल १४ पैशांनी वाढून ९६.६६ रुपये प्रति लिटर आणि डिझेल १३ पैशांनी घटून ८९.८६ रुपये प्रति लिटरवर पोहोचले आहे. पटनामध्ये एक लिटर पेट्रोल १०८.१२ रुपये प्रति लिटर आणि डिझेल ९४.८६ रुपये प्रति लिटर दराने विकले जात आहे. राजस्थानच्या जयपूरमध्येही पेट्रोल आणि डिझेलचे दर स्थिर आहेत.
इंधन दर कसे तपासायचे
इंधनाची किंमत जाणून घेण्यासाठी तुम्ही मेसेजद्वारे माहिती घेऊ शकता. इंडियन ऑइलच्या ग्राहकांनी RSP<डीलर कोड> ९२२४९९२२४९ वर एसएमएस करा, BPCL ग्राहकांनी ९२२३११२२२२ वर <डीलर कोड> एसएमएस करा आणि HPCL ग्राहकांनी HPPRICE <डीलर कोड> ९२२२२०११२२ वर एसएमएस करा असे केल्यावर, इंधनाची किंमत कळेल.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!