Russia Cancer Vaccine : कॅन्सर हा आजच्या युगातील सर्वात भयानक आजारांपैकी एक ठरला आहे. प्रत्येकवर्षी लाखो लोक या आजारामुळे आपला जीव गमावतात. पण आता रशियातून आलेल्या एका वैज्ञानिक शोधामुळे जगभरातील रुग्णांसाठी आणि डॉक्टरांसाठी आशेचा किरण दिसत आहे. ‘एंटरोमिक्स’ (Enteromix) नावाची एक नवी लस रशियात तयार करण्यात आली असून, तिच्या प्राथमिक मानवी चाचण्यांमध्ये 100% यश आणि सुरक्षितता दाखवण्यात आली आहे.
काय आहे ही एंटरोमिक्स लस आणि कशी करते काम?
ही लस mRNA तंत्रज्ञानावर आधारित असून ती कोविड-19 लसीप्रमाणे शरीराच्या रोगप्रतिकारक शक्तीला कॅन्सर पेशींविरुद्ध लढण्यासाठी प्रशिक्षित करते. याचे सर्वात मोठे वैशिष्ट्य म्हणजे, ही लस शरीरातील निरोगी पेशींना नुकसान न करता केवळ कॅन्सर पेशींवर अचूक हल्ला करते. यामुळे कीमोथेरपीसारख्या त्रासदायक उपचारांची गरज कमी होऊ शकते.
एवढंच नाही, तर ही लस प्रत्येक रुग्णाच्या ट्यूमरच्या डीएनएनुसार वैयक्तिक स्वरूपात तयार केली जाते. म्हणजेच, ती “one-size-fits-all” नसून पूर्णतः पर्सनलाइज्ड असते.
हेही वाचा – पोलिसांचा गोळीबार, अमेरिकेत भारतीय इंजिनियरचा मृत्यू! काय घडलं इतकं भयंकर की जीव गमवावा लागला?
कोण तयार करतंय ही लस?
ही लस रशियातील National Medical Research Radiological Center आणि Engelhardt Institute of Molecular Biology यांच्या संयुक्त विद्यमाने तयार करण्यात आली आहे. 48 रुग्णांवर केलेल्या चाचणीत ट्यूमर लहान झाला आणि कोणताही गंभीर साइड इफेक्ट आढळून आला नाही.
डॉक्टरांचा इशारा – “उपचार आहे, प्रतिबंध नाही!”
डॉक्टर म्हणाले, “ही लस कॅन्सरचा उपचार करू शकते, पण ही आजाराच्या पुनरावृत्तीपासून वाचवते की नाही हे अद्याप स्पष्ट नाही.” म्हणजेच, ही लस कॅन्सर झाल्यानंतर उपयुक्त ठरू शकते, पण तो होण्यापासून वाचवतेच असे नाही.
भारतासाठी काय महत्त्व?
भारतामध्ये कोलोरेक्टल आणि सर्व्हायकल कॅन्सरमुळे दरवर्षी हजारो मृत्यू होतात. जर ही लस भारतात उपलब्ध झाली, आणि ती परवडणारी ठरली, तर लाखो लोकांचे प्राण वाचू शकतात. मात्र, या लसीसाठी कोल्ड स्टोरेज, लॉजिस्टिक्स आणि उत्पादनाचा खर्च ही मोठी आव्हानं ठरणार आहेत.
तरीही ही लस एक आशेचा किरण का आहे?
- पर्सनलाइज्ड उपचाराची सुरुवात: प्रत्येक रुग्णासाठी खास लस.
- साइड इफेक्ट्स कमी: कीमोथेरपीपेक्षा सुरक्षित.
- mRNA तंत्रज्ञानामुळे जलद उत्पादन.
याचा अर्थ असा की, भविष्यात कॅन्सरवर अधिक प्रभावी, सुरक्षित आणि वैयक्तिकृत उपचार उपलब्ध होण्याची शक्यता आहे. ही लस कधी उपलब्ध होईल आणि भारतात केव्हा पोहोचेल, हे येणाऱ्या महिन्यांमध्ये स्पष्ट होईल. पण आतापर्यंत मिळालेलं यश हे वैद्यकीय क्षेत्रासाठी नक्कीच एक क्रांतीकारक पाऊल ठरतंय.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा