Russell’s Viper Bites A Man : बिहारमधील भागलपूरमध्ये एक धक्कादायक घटना समोर आली आहे. येथे एका व्यक्तीला जगातील पाच सर्वात धोकादायक सापांपैकी एक असलेल्या रसेल वाइपरने चावा घेतला. त्यानंतर त्या व्यक्तीने विषारी सापाचे तोंड पकडून रुग्णालयात आणले. त्याच्या हातात साप पाहून रुग्णालयात एकच खळबळ उडाली. लोक इकडे तिकडे धावू लागले. साप पाहून डॉक्टरांनीही त्याच्यावर उपचार करण्यास नकार दिला. मोठ्या कष्टाने सापाला गोणीत बंद करण्यात आले, त्यानंतर व्यक्तीवर उपचार सुरू झाले.
या व्यक्तीचे नाव प्रकाश मंडल आहे. त्याला मंगळवारी रात्री धोकादायक रसेल वाइपर सापाने चावा घेतला. यानंतर त्याने सापाचे तोंड पकडून जवाहरलाल नेहरू वैद्यकीय महाविद्यालय रुग्णालयातील मेडिसिन इमर्जन्सी विभाग गाठले. त्याला हॉस्पिटलच्या फॅब्रिकेटेड वॉर्डमध्ये नेण्यात आले. यावेळी तो सापाला हातात धरून इकडे-तिकडे फिरत राहिला आणि काही वेळाने तो जमिनीवर आडवा झाला.
भागलपुर में रसेल वाइपर ने डंसा तो सांप का मुंह दबोचे अस्पताल पहुंचा जख्मी, डॉक्टर भी रह गए दंग#snake#doctor #India #bihar @NitishKumar @PMOIndia pic.twitter.com/mjlGcHKlbA
— Krishna Mohan Sharma (@KMShrma) October 16, 2024
हेही वाचा – “सलमान खानला माफ करू जर….”, बिश्नोई समाजाने केली मागणी; 27 वर्षांपूर्वी काय घडलं?
हॉस्पिटलमध्ये घडलेल्या या संपूर्ण घटनेशी संबंधित एक व्हिडिओही समोर आला आहे, ज्यामध्ये प्रकाश मंडलने उजव्या हातात साप धरलेला दिसत आहे. त्याच्या डाव्या हाताला साप चावला आहे. उपचारासाठी तो दवाखान्यात इकडे तिकडे भटकत आहे. तिथे उपस्थित डॉक्टरही त्याच्या जवळ जाण्याचे धाडस दाखवत नाहीत. प्रकाश मंडळासोबत आलेली व्यक्ती त्यांना हाताळताना दिसत आहे. सापाला बाहेर काढल्याशिवाय उपचार करणे कठीण होईल, असे डॉक्टर सांगत असल्याचे व्हिडिओमध्ये ऐकू येत आहे. तेथे उपस्थित काही लोक साप हातातून निसटून जाण्याची शक्यताही व्यक्त करत आहेत.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!