Operation Deep Manifest : मुंबई बंदरातून पाकिस्तानी वस्तूंनी भरलेले ३९ कंटेनर जप्त करण्यात आले आहेत. हा माल युएई मार्गे भारतात आणला जात होता. परंतु अर्थ मंत्रालयाच्या तस्करी विरोधी शाखेच्या डीआरआयने मुंबई बंदरात तो जप्त केला. या कंटेनरमध्ये १,११५ मेट्रिक टन माल आहे. त्याची किंमत ९ कोटी रुपये इतकी आहे. माल आयात करणाऱ्या कंपनीच्या एका भागीदारालाही अटक करण्यात आली आहे. पहलगाम हल्ल्यापासून डीआरआय पाकिस्तानातून येणाऱ्या मालावर लक्ष ठेवून होते.
अर्थ मंत्रालयाने गुरुवारी, २६ जून रोजी सांगितले की, मुंबईच्या न्हावा शेवा बंदरातून दोन वेगवेगळ्या प्रकरणांमध्ये हे सामान जप्त करण्यात आले. हे सामान युएईचे असल्याचे सांगून भारतात पाठवले जात होते. परंतु प्रत्यक्षात हे सामान पाकिस्तानचे होते. तपासात असे दिसून आले की पाकिस्तानी मूळचे हे सामान दुबईमार्गे भारतात आयात केले जात होते.
Directorate of Revenue Intelligence (DRI) seizes 39 containers carrying 1,115 metric tonnes of Pakistani-origin goods, valued at nearly Rs 9 crore at Nhava Sheva port in Mumbai.#DRIAtWork pic.twitter.com/9YbuJJr2nZ
— All India Radio News (@airnewsalerts) June 27, 2025
मंत्रालयाने सांगितले, की डीआरआयने ‘डीप मॅनिफेस्ट’ नावाची एक कारवाई सुरू केली होती. याअंतर्गत, दुबई, युएई मार्गे पाकिस्तानातून येणाऱ्या बेकायदेशीर मालाची आयात थांबवायची होती. या मोहिमेअंतर्गत ३९ कंटेनर जप्त करण्यात आले. २६ जून रोजी एका आयात कंपनीच्या भागीदाराला अटक करण्यात आली.
हेही वाचा – बायको कमावते, तरी नवऱ्याला पोटगी द्यावी लागेल, मुंबई उच्च न्यायालयाचा निर्णय
सरकारने सांगितले की तपासात असे दिसून आले आहे, की हा माल प्रथम पाकिस्तानच्या कराची बंदरातून दुबईच्या जेबेल अली बंदरात पाठवण्यात आला होता. त्यानंतर तेथून तो भारतीय बंदरांवर पाठवला जात होता. याशिवाय, पाकिस्तान आणि यूएईच्या लोकांमधील अनेक गुंतागुंतीचे व्यवहार देखील उघड झाले आहेत. यामागचा उद्देश हा माल पाकिस्तानचा आहे हे लपविणे होता.
एका वृत्तानुसार, पहलगाम दहशतवादी हल्ल्याच्या पार्श्वभूमीवर, डीआरआयने पाकिस्तानमधून येणारा माल जप्त करण्यास सुरुवात केली होती. ग्लोबल ट्रेड रिसर्च इनिशिएटिव्ह (जीटीआरआय) च्या अंदाजानुसार, १० अब्ज डॉलर्स किमतीचा भारतीय माल समुद्री मार्गाने पाकिस्तानात पोहोचतो.
परंतु पुलवामा आणि पहलगाम हल्ल्यांमुळे निर्माण झालेल्या तणावामुळे, हा द्विपक्षीय व्यापार २०१८-१९ मध्ये ४,३७०.७८ कोटी रुपयांवरून २०२२-२३ मध्ये २,२५७.५५ कोटी रुपयांवर आला आहे. परंतु २०२३-२४ मध्ये ते वाढून ३,८८६.५३ कोटी रुपये झाले, जे गेल्या पाच वर्षातील सर्वाधिक आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!