MSRTC : महिला प्रवाशांना आज 17 मार्चपासून महाराष्ट्र राज्य मार्ग परिवहन महामंडळाच्या (MSRTC) सर्व बसेसच्या भाड्यात 50 टक्के सवलत मिळणार आहे. एमएसआरटीसीने शुक्रवारी ही घोषणा केली. एमएसआरटीसीने जारी केलेल्या प्रसिद्धीपत्रकानुसार ही सवलत महिला सन्मान योजनेंतर्गत दिली जात असून राज्य सरकार महामंडळाला त्याची परतफेड करणार आहे.
महाराष्ट्राचे अर्थमंत्री देवेंद्र फडणवीस यांनी 9 मार्च रोजी 2023-24 या आर्थिक वर्षाचा राज्याचा अर्थसंकल्प सादर करताना सार्वजनिक परिवहन मंडळाच्या बसेसमधील सर्व महिला प्रवाशांना 50 टक्के सवलत देण्याची घोषणा केली होती.
MSRTC ची प्रसिद्धीपत्रकाद्वारे माहिती
एमएसआरटीसीने शुक्रवारी सकाळी एक प्रसिद्धीपत्रक जारी केले. ज्यात ते म्हणाले, ”महिला सन्मान योजने’अंतर्गत राज्यातील सर्व महिलांना बसमधून प्रवास करण्यासाठी 50 टक्के लाभ दिला जाईल. त्यामुळे महिलांना हा लाभ देण्यासाठी राज्य सरकार एमएसआरटीसीला सवलतीच्या रकमेची परतफेड करेल.”
महिला सन्मान योजना pic.twitter.com/qIE9WsRJQU
— Maharashtra State Road Transport Corporation (@msrtcofficial) March 17, 2023
हेही वाचा – मोटरसायकल घेणाऱ्यांसाठी बातमी..! ‘या’ आहेत स्वस्तातल्या ड्युअल चॅनल ABS बाईक; पाहा यादी!
प्रकाशनानुसार, MSRTC 15,000 हून अधिक बस चालवते ज्यात 50 लाखांहून अधिक लोक दररोज प्रवास करतात. आता विविध सामाजिक गटांना भाड्यात 33 टक्के ते 100 टक्के सवलत देत आहे. भारताच्या स्वातंत्र्याच्या ७५ व्या वर्धापन दिनानिमित्त महाराष्ट्र सरकारने ७५ वर्षांवरील ज्येष्ठ नागरिकांना भाड्यात १०० टक्के सवलत आणि ६५ ते ७४ वयोगटातील प्रवाशांना ५० टक्के सवलत जाहीर केली होती.