आज १ ऑगस्टपासून बदलणार ‘हे’ नियम! तुम्हाला माहिती आहेत का?

मुंबई : लक्ष द्या! आज १ ऑगस्टपासून तुमच्या आयुष्याशी संबंधित अनेक नियम बदलणार आहेत. बदलत असलेल्या नियमांमध्ये बँकिंग व्यवस्थेशी संबंधित नियमांचा समावेश आहे. होत असलेल्या बदलांमुळे तुम्हाला काही समस्यांचाही सामना करावा लागू शकतो आणि त्याचा थेट परिणाम तुमच्या खिशावर होणार आहे.

१ ऑगस्टपासून शेतकरी केवायसी करू शकणार नाहीत!

तुम्हाला पीएम किसान सन्मान निधी योजनेच्या केवायसीसाठी ३१ जुलैची वेळही देण्यात आली आहे. १ ऑगस्टपासून शेतकरी केवायसी करू शकणार नाहीत. शेतकऱ्यांच्या सोयीसाठी केंद्र सरकारनं ई-केवायसीची अंतिम तारीख वाढवण्याची घोषणा केली होती. ई-केवायसी करण्याची अंतिम तारीख यापूर्वी ३१ मे होती.

ITR भरण्यासाठी दंड

इन्कम टॅक्स रिटर्न म्हणजेच आयटीआर भरण्याची अंतिम मुदत ३१ जुलै आहे. ही अंतिम मुदत अशा करदात्यांसाठी आहे ज्यांना त्यांच्या खात्यांचं ऑडिट करण्याची आवश्यकता नाही. जर तुम्ही या तारखेपर्यंत इन्कम टॅक्स रिटर्न भरला नाही तर तुम्हाला दंड भरावा लागू शकतो. तुमचं वार्षिक उत्पन्न ५ लाख रुपयांपेक्षा जास्त असल्यास तुम्हाला ५००० रुपयांपर्यंत दंड भरावा लागू शकतो. त्याचप्रमाणं, जर तुमचं वार्षिक उत्पन्न ५ लाख रुपयांपेक्षा कमी असेल तर तुम्हाला १००० रुपयांपर्यंत दंड भरावा लागू शकतो.

चेकचे नियम बदलतील

बँक ऑफ बडोदा १ ऑगस्ट २०२२ पासून चेकशी संबंधित एक महत्त्वाचा नियम बदलणार आहे. ५ लाख किंवा त्याहून अधिक रकमेच्या धनादेशांच्या पेमेंटसाठी बँक सकारात्मक वेतन प्रणाली सुरू करेल. पुढील महिन्यापासून चेक क्लिअर होण्यापूर्वी बँकेला प्रमाणीकरणासाठी माहिती द्यावी लागेल. फसवणूक रोखण्यासाठी बँक असं करणार आहे. चेकमध्ये तुम्हाला एसएमएस एटीएम, इंटरनेट बँकिंग आणि मोबाइल बँकिंगद्वारे लाभार्थीचं नाव, खाते क्रमांक, रक्कम, धनादेश क्रमांक इत्यादी प्रविष्ट करावं लागतील. यानंतर या सर्व माहितीचे क्रॉस व्हेरिफाय केलं जाईल आणि त्यानंतरच चेक क्लिअर होईल.

हेही वाचा – भारीच की..! ‘वंदे भारत’ ट्रेनमध्ये नवा प्रयोग; भारतात पहिल्यांदाच घडणार ‘अशी’ गोष्ट!

या महिन्यात १३ दिवस बँका बंद राहणार आहेत

ऑगस्ट महिन्यात सण आणि सुट्ट्यांमुळे बँका १३ दिवस बंद राहणार आहेत. पुढच्या महिन्यात स्वातंत्र्य दिन, रक्षाबंधन, जन्माष्टमी आणि गणेश चतुर्थी असे मोठे सण आहेत. त्यामुळं जवळपास १३ दिवस बँका बंद राहणार आहेत.

एलपीजी सिलेंडरच्या दरात कपात

आज दिल्ली ते मुंबई एलपीजी सिलेंडरच्या दरात कपात करण्यात आली आहे. गॅस सिेलेंडरच्या दरात ३६ रुपयांनी कपात करण्यात आली आहे. आता दिल्लीत १९ किलोचा व्यावसायिक एलपीजी सिलिंडर १९७६.५० रुपयांना मिळणार आहे. यापूर्वी सिलेंडरची किंमत २०१२.५० रुपये होती.