Virat Kohli Pakistani Fan : टीम इंडियाचा स्टार फलंदाज विराट कोहलीचे जगभरात करोडो चाहते आहेत. भारताच्या शेजारी देश पाकिस्तानमध्येही कोहलीच्या चाहत्यांची कमतरता नाही. विराट आता आशिया कप २०२२साठी यूएईला पोहोचला आहे. तिथं लाहोरचा एक चाहता किंग कोहलीला भेटण्यासाठी आणि सेल्फी घेण्यासाठी पोहोचला. मोहम्मद जिब्रान नावाच्या चाहत्यानंही त्याच्यासोबत सेल्फी काढला.
ही संपूर्ण घटना दुबईतील आयसीसी अकादमी मैदानावर घडली. सराव सत्रानंतर विराट कोहली संघाची बस पकडण्यासाठी परत जात असताना मोहम्मद जिब्रान धावत कोहलीच्या दिशेनं आला, परंतु मैदानावर तैनात असलेल्या सुरक्षा रक्षकांनी त्याला रोखलं. विराट कोहलीही पहिल्या टीम बसच्या दिशेने चालत राहिला. मात्र, नंतर विराट जिब्रानला भेटला आणि त्यानं त्याच्यासोबत सेल्फी काढला.
काय म्हणाला जिब्रान?
पाकिस्तानी चाहत्यानं एका यूट्यूब चॅनलला सांगितलं, की ‘मी विराट कोहलीचा नसून इतर कोणाचा चाहता आहे. त्यांच्यासाठी पाकिस्तानला भेटण्याच्या आणि फोटो काढण्याच्या आशेनं मी इथं आलो आहे. यासाठी मी महिनाभर वाट पाहिली. म्हणून तो त्याचा सराव संपवून त्याच्या हॉटेलवर परतणार होताच, मी खूप प्रयत्न केले.”
Former India captain Virat Kohli's gesture towards a Pakistan fan wins ♥️
(📸Credit: BCCI/ICC)#ViratKohli𓃵 #TeamIndia #indiancricket #IndianCricketTeam #Cricket #INDvsPAK #AsiaCup2022 pic.twitter.com/nTdXOxpMNm
— SportsTiger (@sportstigerapp) August 25, 2022
हेही वाचा – विराटसारखं मन…मनासारखा विराट! पाकिस्तानच्या बाबर आझमला भेटला आणि…; पाहा VIDEO
जिब्रान पुढे म्हणाला, ”कोहली हा महान क्रिकेटपटू असण्यासोबतच एक महान माणूस आहे. त्यानं माझं म्हणणं ऐकून घेतलं आणि सेल्फी घेण्याची माझी विनंती मान्य केली. मी विराट कोहलीसाठी खूप भावूक आहे. मी भारतीय खेळाडूंचा मोठा चाहता आहे. मी कधीही पाकिस्तानी खेळाडूंसोबत सेल्फी घेतलेला नाही. विराट कोहली हा माझा आदर्श आहे आणि तो नक्कीच फॉर्मात येईल. तो पाकिस्तानविरुद्ध ५०+ धावा करेल.”
Unreal Respect, Craze and Fan Following Of @imVkohli in Pakistan ❤️ pic.twitter.com/TzOgoomHfa
— Virat Kohli Trends™ (@TrendVirat) August 26, 2022
कोहलीला मोठा ब्रेक
आशिया चषक उद्या म्हणजेच २७ ऑगस्टपासून सुरू होत असून ११ सप्टेंबरपर्यंत चालणार आहे. भारताला या स्पर्धेतील पहिला सामना २८ ऑगस्ट रोजी पाकिस्तानविरुद्ध खेळायचा आहे. पाकिस्तानविरुद्धच्या सामन्यात विराट कोहलीवर विशेष नजरा असणार आहेत. वेस्ट इंडिज आणि झिम्बाब्वे दौऱ्यासाठी कोहलीला विश्रांती देण्यात आली होती.
हेही वाचा – पंतप्रधान इंदिरा गांधींना ‘स्वीटी’ बोलणारे फिल्ड मार्शल सॅम माणेकशॉ कोण होते?
कोहलीचा सध्याचा फॉर्म खराब आहे
विराट कोहली सध्या त्याच्या कारकिर्दीच्या वाईट टप्प्यातून जात असून त्याला शतक झळकावून एक हजाराहून अधिक दिवस झाले आहेत. विराट कोहलीचं शेवटचं आंतरराष्ट्रीय शतक २३ नोव्हेंबर २०१९ रोजी झालं होतं. त्यानंतर बांगलादेशविरुद्धच्या कोलकाता कसोटी सामन्याच्या दुसऱ्या दिवशी त्याने १३६ धावा केल्या. आंतरराष्ट्रीय स्तरावर कोहलीचे हे ७० वे शतक होते. कोहलीला मोठ्या सामन्यांचा खेळाडू म्हटलं जातं. अशा स्थितीत तो पाकिस्तानविरुद्ध चांगली कामगिरी करू शकेल, अशी अपेक्षा आहे.