Emerging Asia Cup 2023 : एमर्जिंग आशिया चषक स्पर्धेत मोठे भांडण पाहायला मिळाले. भारत आणि बांगलादेशच्या अ संघांमध्ये झालेल्या या स्पर्धेच्या उपांत्य फेरीत दोन्ही संघांचे खेळाडू एकमेकांना भिडले. हा वाद सौम्या सरकारच्या विकेटशी संबंधित होता.
हा वाद सौम्या सरकारच्या विकेटशी संबंधित आहे. सौम्याने युवराज सिंग डोडियाच्या एका चेंडूवर शॉट खेळला आणि स्लिपमधून धावत असताना निकिन जोसने लो कॅच घेतला. स्लिपमधून पळत सुटलेल्या निकिनने पडणाऱ्या चेंडूला उत्तम पद्धतीने क्षेत्ररक्षण केले.
जोससोबतच बाकीच्या क्षेत्ररक्षकांनीही अपील केले आणि अंपायरनेही आऊट दिले. मात्र, नंतर चेंडू बॅटला लागला की पॅडला हाही चर्चेचा विषय ठरला. अंपायरने आऊट दिल्यानंतर सौम्याने हाताने काही हावभाव केले. यानंतर हर्षित राणा आणि त्याच्यात कॅच सेलिब्रेट करताना वाद झाला.
Arrogance showed from the Indian Players on the field, heated argument with Soumya Sarkar. #EmergingAsiacup2023 pic.twitter.com/E9MUKGRfbU
— Shaharyar Ejaz 🏏 (@SharyOfficial) July 21, 2023
वाद वाढू लागला आणि मग बाकीचे भारतीय खेळाडू जमले आणि प्रकरण शांत झाले. त्यांनी दोन्ही खेळाडूंना वेगळे केले. मात्र, त्यानंतरही सौम्या थांबली नाही. पॅव्हेलियनमध्ये जाण्यापूर्वी त्याने पुन्हा अंपायरला काहीतरी विचारले.
हेही वाचा – BCCI ने एकाच वेळी दिल्या 5 गूड न्यूज! ऐकून तुम्हीही खूश व्हाल
या सामन्यात बांगलादेशने नाणेफेक जिंकून प्रथम गोलंदाजी करण्याचा निर्णय घेतला. भारतीय सलामीवीर साई सुदर्शन आणि अभिषेक शर्मा यांनी पहिल्या विकेटसाठी 29 धावांची भागीदारी केली. साई 21 धावा करून बाद झाला, तर अभिषेकने 34 धावा केल्या. कर्णधार यश धुलने सर्वाधिक 66 धावांचे योगदान दिले. भारताचा डाव 211 धावांवर संपला.
Harshit Rana's aggression on Soumya Sarkar.
Earlier Sarkar showed aggression when Yash Dhull got out, Rana gave it back! pic.twitter.com/zm634bl2ba
— Mufaddal Vohra (@mufaddal_vohra) July 21, 2023
प्रत्युत्तरात बांगलादेशचा संपूर्ण संघ 160 धावांवर गारद झाला. बांगलादेशकडून सलामीवीर तनजीद हसनने सर्वाधिक 51 धावा केल्या. भारतीय संघाकडून निशांत सिंधूने पाच आणि मानव सुतारने तीन बळी घेतले. डोडिया आणि अभिषेक शर्मा यांना प्रत्येकी एक विकेट मिळाली.
अंतिम फेरीत भारतीय संघाला पाकिस्तानचा सामना करावा लागणार आहे. याआधी भारताने साखळी सामन्यात पाकिस्तानचा आठ गडी राखून पराभव केला होता. त्या सामन्यात साई सुदर्शनने नाबाद शतक झळकावले होते. तर राजवर्धन हंगरगेकरने पाच गडी बाद केले. स्पर्धेचा अंतिम सामना 23 जुलै रोजी होणार आहे. दुसऱ्या उपांत्य फेरीत पाकिस्तानने श्रीलंकेचा 60 धावांनी पराभव केला.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!