Shaun Pollock On ICC New Rule For Bowlers : दक्षिण आफ्रिकेचा दिग्गज क्रिकेटपटू शॉन पोलॉक म्हणाला की, आयसीसी क्रिकेट समिती गोलंदाजांना वाइडवर थोडी अधिक सूट देण्याच्या दिशेने काम करत आहे कारण सध्याचे नियम त्यांच्यासाठी खूप कठोर आहेत, विशेषतः जेव्हा फलंदाज शेवटच्या क्षणी हालचाली करतात. एकदिवसीय आणि टी-20 मध्ये, फलंदाज गोलंदाजाच्या लाईन आणि लेंथमध्ये व्यत्यय आणण्यासाठी शेवटच्या क्षणी क्रीजवर हालचाली करतात, ज्यामुळे अनेकदा चेंडू वाइड होतो.
शॉन पोलॉक म्हणाला, ‘’मी आयसीसी क्रिकेट समितीचा एक भाग आहे आणि आम्ही वाइड बॉलवर गोलंदाजांना आणखी काही सवलती देण्याचा विचार करत आहोत. मला वाटते की गोलंदाजांसाठी यासंबंधीचे नियम खूप कडक आहेत. जर एखाद्या फलंदाजाने शेवटच्या क्षणी हालचाल केली,तर ती गोलंदाजांसाठी खरोखरच आदर्श परिस्थिती नसते. मला वाटतं की गोलंदाजाला त्याच्या धावण्याच्या सुरुवातीलाच तो कुठे गोलंदाजी करू शकतो हे माहीत असणे महत्त्वाचे आहे.’’
VIDEO | Former South African cricket legend Shaun Pollock advocating 'more leeway on wides' says, "I'm part of the ICC Cricket Committee and we're looking to develop more leeway for the bowlers on wides. I think it's rigorous on them. If a batter jumps across (at the) last… pic.twitter.com/GqoTgn1G6r
— Press Trust of India (@PTI_News) January 11, 2025
पोलॉक म्हणाला, ‘’सध्याच्या नियमांनुसार, जर गोलंदाजाने चेंडू सोडण्यापूर्वी फलंदाजाने त्याची स्थिती बदलली तर चेंडू वाइड घोषित केला जातो. मला या नियमात थोडा बदल हवा आहे. गोलंदाजांना रन-अप दरम्यान कुठे गोलंदाजी करायची आहे हे माहीत असले पाहिजे.’’
पोलॉक म्हणाला की, दक्षिण आफ्रिकेने आगामी चॅम्पियन्स ट्रॉफी दरम्यान उपखंडीय परिस्थितीत त्यांच्या खेळाडूंच्या अनुभवाचा फायदा घ्यावा. आमच्या संघात बहुतेक तेच खेळाडू आहेत जे (एकदिवसीय) विश्वचषक (2023) मध्ये खेळले होते, जिथे आम्ही उपांत्य फेरीत पोहोचलो होतो आणि ऑस्ट्रेलियाकडून पराभूत झालो होतो.
पोलॉक म्हणाले, ‘‘आमच्या संघात असे अनेक खेळाडू आहेत जे आयपीएलमध्ये खेळत आहेत आणि त्यांना उपखंडातील परिस्थितीची चांगली जाणीव आहे. हे दक्षिण आफ्रिकेला मदत करू शकते. आमच्या संघाने जागतिक कसोटी अजिंक्यपद स्पर्धेच्या अंतिम फेरीत प्रवेश केला आहे आणि आशा आहे की काही तरुण खेळाडू उदयास येतील. यामुळे आपले कसोटी क्रिकेट बळकट होईल.’’