Youngest Mother In World : पेरूमधील एका लहान मुलीची कहाणी आजही जगातील सर्वात धक्कादायक वैद्यकीय रहस्यांपैकी एक मानली जाते. लिना मेडिना नावाच्या या मुलीने वयाच्या केवळ 5 वर्षे 7 महिने असतानाच बाळाला जन्म दिला, जगातील सर्वात कमी वयात आई बनण्याचा इतिहास आजही तिच्या नावावर आहे.

१४ मे १९३९ रोजी सी-सेक्शनद्वारे जन्म

लिनाची प्रसूती सीझेरियनद्वारे करण्यात आली कारण तिची शारीरिक वाढ असामान्यरीत्या प्रौढ महिलेसारखी झालेली होती. डॉक्टरांनी तपासणी केली असता उघड झाले की तिला अत्यंत लवकर येणाऱ्या प्रिकॉशस प्युबर्टीचा (precocious puberty) गंभीर प्रकार होता.

या अवस्थेमुळे लिनाचे शरीर चार वर्षांच्या आतच प्रजननक्षम झाले, जी स्थिती अतिशय दुर्मिळ असून गंभीर हार्मोनल बिघाडामुळे होते.

पाच वर्षांच्या मुलीची प्रेग्नन्सी म्हणजे गंभीर अत्याचाराचा पुरावा

वैद्यकीय तज्ञांच्या मते एवढ्या कमी वयात गर्भधारणा होणे म्हणजे निश्चितपणे लैंगिक शोषण, बलात्कार किंवा क्रूर अत्याचाराचे द्योतक. त्यामुळे हा प्रकरण वैद्यकीय आणि कायदेशीर या दोन्ही पातळ्यांवर आपत्कालीन मानला गेला.

वैद्यकीय जग हादरले – तज्ञांनी केले तपासणीचे पर्व

एन्डोक्रिनोलॉजिस्ट एडमुंडो एस्कोमेल, डॉक्टर लोझाडा आणि अनेक तज्ञांनी विस्तृत तपासण्या करून गर्भधारणेची खात्री केली.
सर्व वैद्यकीय नोंदी नंतर American College of Obstetricians and Gynecologists सारख्या संस्थांनीही स्वीकारल्या.

Lina Medina: a story both remarkable and heartbreaking. https://t.co/5CBCRPs77y pic.twitter.com/lv1p3UrXLl
— History Defined (@historydefined) October 29, 2025

वडिलांना अटक, पण पुराव्याअभावी सुटका

लिनाच्या वडिलांना पोलिसांनी लैंगिक अत्याचाराच्या आरोपाखाली अटक केली. परंतु ठोस पुरावे नसल्याने त्यांची सुटका झाली.
लिनाने कधीही तिच्या मुलाच्या वडिलांविषयी माहिती उघड केली नाही.

लिनाचे पुढील आयुष्य – दुसरे लग्न, दुसरा मुलगा

लिना आपल्या पहिल्या मुलगा जेरार्दोला ‘भाऊसारखे’च मानत असे. मोठी झाल्यावर ती लोझाडा डॉक्टरांकडे सचिव म्हणून काम करू लागली. तिने नंतर लग्न केले व 1972 मध्ये दुसऱ्या बाळाला जन्म दिला. जेरार्दोचा 1979 मध्ये हाडांच्या कॅन्सरमुळे मृत्यू झाला.

लिना आज जिवंत आहे का? उत्तर अद्याप रहस्यमय

2002 च्या रॉयटर्सच्या अहवालानुसार ती त्या काळी लीमा शहरातील “लिटल शिकागो” नावाच्या गरीब परिसरात राहत होती.
आज ती जिवंत आहे की नाही, याची अधिकृत माहिती उपलब्ध नाही.

El 14 de mayo de 1939, en Lima (Perú) Lina Medina, una niña abusada sexualmente a los cuatro años y ocho meses, concibió un varón por cesárea. La niña peruana Lina Medina Vásquez es la madre más joven que haya quedado embarazada en la historia de la medicina. pic.twitter.com/hvzOtCcH5t
— MEMORABLE (@EsMemorable) May 27, 2020

अर्ली प्युबर्टी म्हणजे काय?

सेंट्रल प्रिकॉशस प्युबर्टी – मेंदूशी संबंधित कारणे
पेरिफेरल प्रिकॉशस प्युबर्टी – हार्मोनल तोल बिघडणे / ट्यूमर
यामुळे भावनिक ताण, उंचीवर परिणाम होऊ शकतो

लहान मुलींमध्ये अचानक शरीरबदल दिसल्यास तातडीने डॉक्टरांकडे जा

अचानक मासिक पाळी, स्तनवाढ, वेदना, वर्तन बदल—हे गंभीर संकेत आहेत.
लहान मुलगी गर्भवती असल्याचा संशय जरी आला, तरी पोलीस व चाइल्ड प्रोटेक्शन सर्व्हिसेसना तत्काळ कळवावे.