Stuntman Raju Death Viral Video : दाक्षिणात्य चित्रपटसृष्टीतून एक धक्कादायक बातमी समोर आली आहे. प्रसिद्ध दिग्दर्शक पा. रंजीत आणि अभिनेता आर्या यांच्या आगामी चित्रपटाच्या सेटवर शूटिंग दरम्यान स्टंट करताना प्रसिद्ध स्टंट आर्टिस्ट मोहनराज ऊर्फ राजू यांचा अपघाती मृत्यू झाला.
हा भीषण अपघात ‘वेट्टूवम’ या चित्रपटाच्या शूटिंगदरम्यान घडला. SUV गाडीवर स्टंट करताना गाडी एका रॅम्पवरून पलटी झाली आणि जोरात जमिनीवर आदळली. या घटनेचा व्हिडीओ देखील समोर आला असून त्यात राजू यांना गाडीमधून बाहेर काढताना पाहायला मिळत आहे.
कसा घडला अपघात?
१३ जुलै रोजी नागपट्टिनम येथे स्टंट सीन शूट करत असताना राजू SUV गाडी चालवत होते. रॅम्पवरून गाडी हवेत गेल्यानंतर ती संतुलन हरवून उलटली. गाडीचा पुढचा भाग थेट जमिनीवर आदळला आणि या भीषण धडकेत राजू गंभीर जखमी झाले. घटनास्थळीच त्यांचा मृत्यू झाल्याचे सांगण्यात येत आहे.
Stunt master SM Raju dies while performing high-risk car toppling stunt during film shoot in TN.
— BhikuMhatre (@MumbaichaDon) July 14, 2025
Sad! These're REAL unsung heroes who perform dangerous stunts for so-called Superstars who can't even ride a horse for 15 minutes. For that, they either get meagre payments or de@th. pic.twitter.com/oRZRz4MuIW
हेही वाचा – सायना नेहवालचा डिवोर्स, पण तिचं करोडोंचं साम्राज्य पाहून थक्क व्हाल!
अभिनेता विशाल याचा भावनिक संदेश
तमिळ अभिनेता विशालने राजू यांच्या निधनावर सोशल मीडियावर भावनिक प्रतिक्रिया दिली. त्याने लिहिले, “अजूनही विश्वास बसत नाही की आपले धाडसी स्टंटमॅन राजू यांचे निधन झाले. मी त्यांना अनेक वर्षांपासून ओळखतो. त्यांनी माझ्या चित्रपटांमध्ये देखील धोकादायक स्टंट्स केले होते. मी त्यांच्या कुटुंबासाठी सर्वतोपरी मदत करणार आहे.”
Deeply saddened after hearing the news of the demise of a great performer and actor shri #kotasrinivasarao sir. Going to miss a great performer and actor on the silver screen. Had a great memorable time to work with sir in my movie Sathyam. He used to stand out as a villain in…
— Vishal (@VishalKOfficial) July 13, 2025
विशाल यांनी हे फक्त ट्वीट नसून आपली जबाबदारी असल्याचे सांगत राजू यांच्या कुटुंबाला आर्थिक मदत करण्याचे वचन दिले आहे.
डायरेक्टर आणि अभिनेता गप्प, चाहत्यांचा संताप
या घटनेनंतर चाहत्यांनी सोशल मीडियावर दु:ख व्यक्त केले आहे. मात्र चित्रपटाचा नायक आर्या आणि दिग्दर्शक पा. रंजीत यांनी अद्याप यावर कोणतेही अधिकृत वक्तव्य दिलेले नाही, यावर नेटिझन्सनी नाराजी व्यक्त केली आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!