Italy Village Baby Birth : इटलीतील अब्रूजो (Abruzzo) पर्वतरांगेच्या उंच सुळक्यांमध्ये शांतपणे वसलेलं एक लहानसं टेकड्यांवरचं गाव — पगलियारा देई मारसी (Pagliara dei Marsi). काळ इथे जणू अडकून बसला होता. अरुंद दगडी गल्ल्यांमध्ये माणसांच्या पावलांचा आवाज विरळाच… पण मांजरांच्या शांत पावलांचा स्पर्श मात्र कायम जाणवत राहायचा.
या गावात तब्बल 30 वर्षांपासून एकही मूल जन्माला आलं नव्हतं.
शाळा बंद… अनेक घरं ओस पडलेली… आणि गावात केवळ वयोवृद्ध लोकांचा श्वासच उरला होता. पण मार्च 2025 मध्ये घडलेल्या एका घटनेनं या गावाची ओळखच बदलून गेली.
İtalya'da kedilerin sayısının insan sayısından fazla olduğu kasabada 30 yıl sonra ilk defa bebek doğdu.
— Boşuna Tıklama (@bosunatiklama) December 28, 2025
• Pagliara dei Marsi kasabasında doğan Lara Bussi Trabucco'yla birlikte köyün nüfusu 20 oldu. pic.twitter.com/VNsLURznDu
30 वर्षांनंतर पहिल्यांदा किलबिलाट
गावात जेव्हा नवजात बाळाच्या रडण्याचा आवाज घुमला, तेव्हा अनेक जेष्ठांच्या डोळ्यांत पाणी आलं. त्यांना वाटत होतं, आपल्या आयुष्यात पुन्हा असं काही ऐकायला मिळणार नाही. या बाळाचं नाव ठेवण्यात आलं — लारा बुस्सी त्राबुको (Lara Bussi Trabucco).
हेही वाचा – रागात शिवी दिलीत तर शरीराची ताकद वाढते? वाचा नवा जागतिक अभ्यास!
लाराच्या जन्मामुळे गावाची एकूण लोकसंख्या आता अवघी 20 च्या आसपास झाली आहे. ऐकायला जरी छोटं वाटलं तरी या गावासाठी हा क्षण इतिहासात कोरला जाणार आहे.
पूर्ण गावच बनलं कुटुंब – चर्चमध्ये खास समारंभ
लाराचे आई-वडील — चिंजिया त्राबुको आणि पाओलो बुस्सी, हेच नव्हे तर पूर्ण गाव तिच्या जन्माचा उत्सव साजरा करू लागलं. चर्चमध्ये झालेल्या बाप्तिस्मा समारंभाला गावातील जवळपास सर्व लोक उपस्थित होते.
रोचक म्हणजे — या गावात माणसांपेक्षा मांजरांची संख्या अधिक आहे. समारंभाच्या वेळी त्या बिल्ल्याही जणू खास पाहुण्यांसारख्याच दिसत होत्या!
‘मांजरांचं गाव’ म्हणून ओळख
अनेक तरुण चांगल्या नोकरीच्या शोधात गाव सोडून गेल्याने
✔ रोजगार कमी
✔ वाहतूक व्यवस्था मर्यादित
✔ आणि रिकामी घरं वाढत गेली
त्यामुळे इथं बिल्ल्यांचाच जास्त वावर दिसू लागला. पण लाराच्या जन्मानंतर या शांत गावाला पुन्हा एक आशेचा किरण मिळाला आहे.
इटली सध्या गंभीर population crisisचा सामना करत आहे. सरकारी आकडेवारीनुसार 2024 मध्ये फक्त 3,69,944 मुलांचा जन्म झाला. हा देशातील आतापर्यंतचा सर्वात कमी आकडा! अशा काळात Pagliara dei Marsi गावातील ‘लारा’चा जन्म हा फक्त एक प्रसंग नाही—तर जिवंत राहिलेल्या आशेचा संदेश आहे.
लहान गाव, मोठी भावना
आजही हे गाव लहानच आहे… शांत आहे… पण आता ते निःशब्द नाही. लारा इटलीच्या लोकसंख्या संकटाचं उत्तर नसेल…पण तीनं सिद्ध केलं. छोटंसं रडणंदेखील संपूर्ण जगाला आशेची जाणीव करून देऊ शकतं.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा