Delhi Pollution : दिल्लीतील हवेचे प्रदूषण आता केवळ पर्यावरणाचा विषय राहिला नसून, ते एक गंभीर सार्वजनिक आरोग्यसंकट बनले आहे. विशेषतः लहान मुलांचे आरोग्य धोक्यात आले आहे, असा इशारा मेदांता हॉस्पिटलचे छातीचे तज्ञ सर्जन डॉ. हर्षवर्धन पुरी यांनी दिला आहे.
30% दिल्लीतील मुले आधीच ‘बॉर्डरलाइन दमा रुग्ण’
डॉ. पुरी यांच्यानुसार, परिस्थिती एवढी गंभीर झाली आहे की दिल्लीतील सुमारे 30% मुले आधीच बॉर्डरलाइन दमा रुग्ण बनली आहेत. त्यांच्या मते, “हा आजार मुलांमध्ये सुरू झाला आहे आणि आम्ही रोज OPD मध्ये अशी प्रकरणे पाहत आहोत. हे अपवाद राहिलेले नाही, हे नवे वास्तव बनले आहे.”
प्रदूषणामुळे मुलांचे फुफ्फुसे वाढण्याआधीच ‘संकुचित’
डॉ. पुरी सांगतात की मुलांची फुफ्फुसे साधारणपणे वयाच्या 10 ते 12 वर्षांपर्यंत विकसित होत असतात. परंतु या काळात जर त्यांना अत्यंत प्रदूषित हवा श्वासाद्वारे घ्यावी लागली, तर फुफ्फुसांची पूर्ण क्षमता कधीच विकसित होत नाही, श्वसनशक्ती कमी राहते, थकवा लवकर येतो, भविष्यात दम्याचा धोका खूप वाढतो. त्यांच्या शब्दांत, “आपण एका अशा पिढीला जन्म देत आहोत जी आयुष्यभर श्वासाच्या आजारांनी त्रस्त राहू शकते.”
हेही वाचा – फक्त विचार करा… आणि हात हलतो! स्ट्रोक रुग्णांसाठी चमत्कार!
लक्षणे दिसत नसली तरी धोक्याची प्रक्रिया सुरू!
बऱ्याच मुलांमध्ये लक्षणे दिसत नसली तरी फुफ्फुसांच्या आतील नुकसान सुरू असते. यामुळे पुढे जाऊन क्रॉनिक आजारांची पायाभरणी होते. अजून जन्मही नाही, तरी प्रदूषण पोहोचतंय बाळापर्यंत! डॉ. पुरी यांचा सर्वात धक्कादायक दावा म्हणजे प्रदूषणाचा परिणाम अजून गर्भात असलेल्या बाळांवरही होतो!
PM1 सारखे अतिसूक्ष्म कण आईच्या फुफ्फुसातून रक्तात जातात आणि त्याच रक्ताद्वारे प्लेसेंटा ओलांडून बाळापर्यंत पोहोचतात. वैद्यकीय अभ्यासांनुसार, नाळ (Umbilical Cord) तपासली तेव्हा 276 वेगवेगळे प्रदूषक आढळले. हे कण बाळाच्या फुफ्फुसांमध्ये, मेंदूत व पेशींमध्ये पोहोचत असल्याचे स्पष्ट झाले आहे.
भविष्यासाठी मोठा इशारा
जर परिस्थिती आत्ताच नियंत्रणात आणली नाही, तर पुढील पिढी कमकुवत फुफ्फुसांसह आणि श्वसनरोगांनी त्रस्त आयुष्य जगेल. डॉक्टरांनी पालकांना आणि प्रशासनाला सूचनाही दिल्या आहेत.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा