SWAT Commando Kajal Murder Case : दिल्ली पोलिसांच्या विशेष दलात कार्यरत असलेल्या SWAT कमांडो काजल यांच्या हत्येने संपूर्ण देश हादरून गेला आहे. देशाच्या सुरक्षेसाठी सज्ज असलेली, अत्यंत कठोर प्रशिक्षण घेतलेली ही महिला कमांडो घरगुती हिंसाचाराची बळी ठरेल, याची कुणालाही कल्पना नव्हती.
दिल्ली पोलिसांच्या 2022 बॅचमधील 27 वर्षीय SWAT कमांडो काजल यांच्यावर त्यांच्या पतीने घरातच डंबलने वारंवार हल्ला केला. या हल्ल्यात काजल यांच्या डोक्याला गंभीर दुखापत झाली होती. अत्यवस्थ अवस्थेत त्यांना दिल्लीतील नेहरू नगर भागातील यशोदा रुग्णालयात दाखल करण्यात आले होते. मात्र अनेक दिवसांच्या उपचारानंतर 27 जानेवारी रोजी त्यांचा मृत्यू झाला.
या प्रकरणात दिल्ली पोलिसांनी तत्काळ कारवाई करत काजल यांच्या पतीला अटक केली आहे. तो संरक्षण मंत्रालयात लिपिक पदावर कार्यरत असल्याची माहिती समोर आली आहे. सध्या पोलिसांकडून हत्या नेमकी कोणत्या कारणामुळे झाली, याचा सखोल तपास सुरू आहे.
🚨 SHOCKING NEWS
— SVA (@S_News19) January 29, 2026
Delhi Police SWAT commando “Kajal Chaudhary” was allegedly murdered by her husband Ankur, a Ministry of Defence clerk, who attacked her with a dumbbell. The couple had a love marriage in 2023 and have a 1.5-year-old son. Ankur has been Arrested.#Delhi pic.twitter.com/rf3Cn4BXRN
SWAT कमांडो काजल कोण होत्या?
काजल या दिल्ली पोलिसांच्या SWAT (स्पेशल वेपन्स अँड टॅक्टिक्स) पथकातील महिला कमांडो होत्या. 26/11 च्या मुंबईवरील दहशतवादी हल्ल्यानंतर देशातील मोठ्या शहरांमध्ये अत्याधुनिक, जलद प्रतिसाद देणाऱ्या विशेष पथकांची गरज भासू लागली. त्यातूनच दिल्ली पोलिसांनी SWAT पथकाची स्थापना केली.
SWAT कमांडो म्हणजे नेमके कोण?
SWAT म्हणजे Special Weapons and Tactics. हे दिल्ली पोलिसांचे अत्यंत प्रशिक्षित विशेष पथक असून दहशतवादी हल्ले, बंदी बनविण्याच्या घटना, गंभीर शस्त्रसज्ज गुन्हे आणि अतिसंवेदनशील परिस्थितींमध्ये ही टीम तात्काळ कारवाई करते.
दिल्ली हे देशातील पहिले शहर आहे जिथे महिला SWAT कमांडो पथक तयार करण्यात आले. 2018 मध्ये स्वतंत्र महिला SWAT टीमची स्थापना करण्यात आली होती. या कमांडोंना राष्ट्रीय सुरक्षा रक्षक (NSG) च्या धर्तीवर प्रशिक्षण दिले जाते.
SWAT कमांडोंचे प्रशिक्षण किती कठोर असते?
SWAT कमांडो बनण्यासाठी अत्यंत कठोर निकष पूर्ण करावे लागतात.
- उत्कृष्ट शारीरिक तंदुरुस्ती
- मानसिक स्थैर्य आणि निर्णयक्षमता
- अचूक नेमबाजी कौशल्य
- विशेष युद्धकला व आत्मसंरक्षण प्रशिक्षण
या कमांडोंना बुलेटप्रूफ आणि स्फोटरोधक वाहनांची सुविधा दिली जाते. कोणतीही गंभीर घटना घडल्यास 20 मिनिटांच्या आत दिल्लीतील कोणत्याही भागात पोहोचण्याची क्षमता या पथकाकडे आहे.
महिला कमांडोच्या हत्येने गंभीर प्रश्न उपस्थित
देशाच्या सुरक्षेसाठी सज्ज असलेली महिला कमांडो स्वतःच्या घरात सुरक्षित नसणे, हा समाजासाठी अत्यंत गंभीर इशारा आहे. काजल यांची हत्या केवळ एक गुन्हा नसून, महिलांच्या सुरक्षिततेवर, मानसिक तणावावर आणि घरगुती हिंसाचारावर पुन्हा एकदा प्रश्नचिन्ह उभे करणारी घटना आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा