Byju’s Crisis : आर्थिक संकटाचा सामना करणाऱ्या एडटेक कंपनी बायजूचे संस्थापक बायजू रवींद्रन यांची संपत्ती शून्य झाली आहे. एक वर्षापूर्वी, म्हणजे 4 एप्रिल 2023 रोजी, त्यांची एकूण संपत्ती $2.1 बिलियन होती (तेव्हा सुमारे ₹ 17,545 कोटी). फोर्ब्सच्या बिलियनेअर इंडेक्स 2024 मध्ये ही माहिती समोर आली आहे.
फोर्ब्सच्या अहवालात असे सांगण्यात आले आहे की, यावेळी गेल्या वर्षीच्या यादीतून 4 जणांना वगळण्यात आले असून त्यात रवींद्रन यांचाही समावेश आहे. अलीकडेच BlackRock ने बायजूचे मूल्य $1 बिलियन पर्यंत कमी केले होते. 2022 मध्ये त्याचे सर्वोच्च मूल्य $22 अब्ज होते.
हेही वाचा – ATM मशिनजवळ जाताना सावधान! सुरुय एक मोठा स्कॅम, महिलेचे 21,000 रुपये लंपास!
Byju’s ची स्थापना रवींद्रन यांनी 2011 मध्ये केली होती. त्यांची पत्नी, दिव्या, त्यांच्या सुरुवातीच्या विद्यार्थिनींपैकी एक आहे आणि त्या देखील बोर्डवर आहेत. कंपनी सध्या रोखीच्या तुटवड्याला तोंड देत आहे. अशा परिस्थितीत, गेल्या महिन्यात बायजसच्या भागधारकांनीही रवींद्रन यांना सीईओ पदावरून हटवण्याच्या बाजूने मतदान केले होते.
बायजूसोबत घडलेल्या 5 मोठ्या गोष्टी
- बायजूच्या शेअरहोल्डर्सनी गेल्या महिन्यात रवींद्रन यांना सीईओ पदावरून काढून टाकण्यासाठी आणि त्यांची पत्नी दिव्या आणि भाऊ रिजू यांना काढून टाकण्यासाठी मतदान केले.
- डिसेंबर महिन्यात बायजू रवींद्रन यांनी कर्मचाऱ्यांना पगार देण्यासाठी त्यांचे घर तसेच कुटुंबातील सदस्यांची घरे गहाण ठेवली होती.
- भारतीय क्रिकेट नियामक मंडळाने बायजूविरुद्ध दिवाळखोरीची कारवाई सुरू केली. 158 कोटी रुपये चुकवल्याचा आरोप बायजूवर आहे.
- 9,000 कोटी रुपयांच्या फेमा उल्लंघन प्रकरणात ईडीने नोटीस पाठवली आहे. FEMA ची स्थापना 1999 मध्ये विदेशी चलनाच्या प्रवाहाबाबत करण्यात आली.
- भाडे न दिल्याने घरमालकाने गुरुग्राम कार्यालयातील कर्मचाऱ्यांना हाकलून दिले. त्यांचे लॅपटॉप जप्त करण्यात आले.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा