मुंबई : वस्तू आणि सेवा कर (GST) मधील बदल सोमवार १८ जुलै २०२२ पासून देशभरात लागू झाले आहेत आणि त्याचा थेट परिणाम सर्वसामान्यांच्या खिशावर होणार आहे. नवीन दर लागू झाल्यानं आजपासून अनेक उत्पादनं महाग झाली आहेत. केंद्रीय अर्थमंत्री निर्मला सीतारामन यांच्या अध्यक्षतेखाली झालेल्या जीएसटी परिषदेनं आपल्या शेवटच्या बैठकीत पॅकेज केलेले आणि लेबल केलेले (फ्रोझन वगळता) मासे, दही, पनीर, लस्सी, मध, कोरडे सोयाबीन, वाटाणे, गहू आणि तृणधान्य आणि मुरमुऱ्यावर पाच टक्के जीएसटी लावण्याचा निर्णय घेतला. उघड्यावर विकल्या जाणार्‍या अनब्रँडेड उत्पादनांवर जीएसटी सूट कायम राहील.
अर्थ मंत्रालयानं सोमवारी प्री-पॅकेज केलेल्या आणि लेबल केलेल्या उत्पादनांवरील जीएसटी दरासंबंधी एक FAQ जारी केलं आहे, ज्यामध्ये त्यावरील प्रश्नांची उत्तरं देण्यात आली आहेत.
The changes relating to GST rate, in pursuance of recommendations made by the @GST_Council in its 47th meeting, came into effect from today, 18th of July, 2022.
Here is the FAQ regarding the GST levy on ‘pre-packaged and labelled’ goods 👇
Read more ➡️ https://t.co/5mHCh9PFyX pic.twitter.com/s3Yfj5QVev
— Ministry of Finance (@FinMinIndia) July 18, 2022
काय महाग झालं?
- आटा, पनीर, लस्सी आणि दही यांसारखे प्री-पॅकेज केलेले आणि लेबल केलेले खाद्यपदार्थ महाग झाले आहेत. मध, सुका मखना, कोरडे सोयाबीन, वाटाणे, गहू आणि इतर तृणधान्ये आणि पॅक केलेला तांदूळ ही उत्पादनंही महाग होतील. प्री-पॅकेज केलेले, लेबल केलेले दही, लस्सी आणि पनीरवर पाच टक्के जीएसटी लागेल. चणे, तांदूळ, मध, तृणधान्य, मांस, मासे यांचाही यात समावेश आहे.
- टेट्रा पॅक आणि बँकेद्वारे धनादेश जारी केल्यानं १८ टक्के आणि अॅटलससह नकाशे आणि चार्टवर १२ टक्के जीएसटी लागू होईल.
- ‘प्रिंटिंग/ड्रॉइंग इंक’, धारदार चाकू, पेपर कटिंग चाकू आणि ‘पेन्सिल शार्पनर’, एलईडी दिवे, ड्रॉइंग आणि मार्किंग उत्पादनांवरील कर १८ टक्के करण्यात आला आहे. सोलर वॉटर हीटर्सवर आता १२ टक्के जीएसटी लागणार आहे, जो पूर्वी पाच टक्के कर होता.
- पाच हजार रुपयांपेक्षा जास्त भाड्यानं घेतलेल्या हॉस्पिटलच्या खोल्यांवर देखील जीएसटी भरावा लागेल. याशिवाय दररोज एक हजार रुपयांपेक्षा कमी भाड्यानं देणाऱ्या हॉटेलच्या खोल्यांवर १२ टक्के दरानं कर आकारण्याचं सांगण्यात आलं आहे.
- बागडोगरा ते ईशान्येकडील राज्यांच्या हवाई प्रवासावर जीएसटी सूट आता फक्त ‘इकॉनॉमी’ श्रेणीतील प्रवाशांना उपलब्ध असेल.
जीएसटी कुठं कमी झाला?
- रोपवे आणि काही सर्जिकल उपकरणांद्वारे माल आणि प्रवाशांच्या वाहतुकीवरील कराचा दर पाच टक्के करण्यात आला आहे. पूर्वी तो १२ टक्के होता.
- मालाच्या वाहतुकीसाठी वापरल्या जाणाऱ्या ट्रक, वाहनांवर इंधन खर्चाचा समावेश होतो, सध्याच्या १८ टक्क्यांऐवजी आता १२ टक्के जीएसटी लागू होईल.