HDFC Bank Minimum Balance : खासगी बँकिंग क्षेत्रात मोठे बदल सुरूच आहेत. ICICI बँकेनंतर आता HDFC बँकेने देखील आपल्या सेव्हिंग अकाऊंटसाठी (Savings Account) किमान सरासरी शिल्लक (Minimum Average Balance) मर्यादेत मोठी वाढ जाहीर केली आहे. हा निर्णय 1 ऑगस्ट 2025 पासून लागू झाला असून, विशेषतः मेट्रो आणि शहरी शाखांमधील नव्या ग्राहकांवर याचा थेट परिणाम होणार आहे.
नवीन नियम काय सांगतो?
HDFC बँकेच्या नव्या नियमांनुसार, मेट्रो व शहरी शाखांमध्ये नवीन खाते उघडणाऱ्या ग्राहकांनी दर महिन्याला किमान ₹25,000 चा सरासरी बॅलन्स राखणे बंधनकारक असेल. याआधी ही मर्यादा ₹10,000 होती, म्हणजेच तब्बल अडीच पट वाढ.
जर ग्राहकाने ठराविक सरासरी बॅलन्स न ठेवला, तर बँक 6% शॉर्टफॉल किंवा ₹600 (जे कमी असेल ते) दंड आकारेल.
जुने ग्राहक सुटणार का?
Moneycontrol च्या माहितीनुसार, ही वाढ फक्त 1 ऑगस्ट 2025 किंवा त्यानंतर नवीन खाते उघडणाऱ्यांनाच लागू होणार आहे. आधीपासून HDFC बँकेत सेव्हिंग अकाऊंट असणाऱ्या ग्राहकांवर हा नियम लागू होणार नाही, जोपर्यंत बँक त्याबाबत नवीन घोषणा करत नाही.
ICICI बँकेने आणखी कठोर पाऊल उचलले
HDFC आधीच ICICI बँकेने 1 ऑगस्ट 2025 पासून नवीन नियम लागू केले आहेत. ICICI बँकेत नवीन सेव्हिंग अकाऊंटसाठी किमान बॅलन्स ₹10,000 वरून थेट ₹50,000 पर्यंत वाढवला आहे. म्हणजेच ग्राहकांना आधीपेक्षा पाच पट जास्त रक्कम ठेवावी लागेल.
हेही वाचा – कमी गुंतवणुकीत लाखोंचा नफा! पावसाळ्यातील हिट शेती! आजच सुरू करा आणि कमवा
ग्राहकांसाठी याचा अर्थ
- जास्त बॅलन्स राखणे गरजेचे — अन्यथा दंड टाळता येणार नाही.
- नवीन ग्राहकांवरच तातडीचा परिणाम — जुन्या ग्राहकांना सध्या सुट.
- बँकिंग क्षेत्रातील वाढता स्पर्धात्मक खर्च — इतर बँकाही अशी पावले उचलण्याची शक्यता.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!