Post Office RD Scheme : आजकाल अनेकांना आपल्या बचतीचे पैसे सुरक्षित व फायदेशीर ठिकाणी गुंतवायचे असतात. महागाई, मुलांचे शिक्षण, लग्न, वैद्यकीय गरजा अशा अनेक बाबींसाठी मोठ्या रकमेची गरज भासते. त्यामुळेच पोस्ट ऑफिसची रिकरिंग डिपॉझिट योजना (Post Office RD Scheme) ही एक आदर्श पर्याय ठरते.

ही योजना सरकारने सुरू केलेली असून ती पूर्णतः सुरक्षित आहे. सर्वसामान्यांसाठी ही योजना विशेषतः उपयुक्त ठरते कारण यामध्ये कोणताही बाजाराचा धोका नसतो. या योजनेत मासिक बचतीद्वारे मोठा फंड तयार करता येतो. चला, या योजनेची सविस्तर माहिती जाणून घेऊया…

पोस्ट ऑफिस RD म्हणजे काय?

पोस्ट ऑफिसची रिकरिंग डिपॉझिट योजना म्हणजे दर महिन्याला ठराविक रक्कम गुंतवून सुरक्षितपणे बचत करण्याची सुविधा. या योजनेत सध्या 6.7% वार्षिक व्याजदर मिळतो. हे व्याज कंपाउंडिंगच्या माध्यमातून वाढत जाते, म्हणजेच तुम्हाला व्याजावर देखील व्याज मिळते – ज्यामुळे तुमची रक्कम अधिक वेगाने वाढते.

हेही वाचा – ‘या’ आजाराचं लक्षण डोकेदुखीने सुरू होतं आणि शेवटी थेट मृत्यू! केरळमध्ये मेंदू खाणाऱ्या अमीबाचं थैमान

कसा होईल तब्बल 17 लाखांचा फंड?

समजा तुम्ही दरमहा ₹10,000 गुंतवले, तर:

5 वर्षांनंतर तुमची गुंतवणूक ₹6 लाख होईल, पण व्याजासह रक्कम ₹7,13,659 इतकी होईल — म्हणजे ₹1.13 लाखांचा नफा.
10 वर्षांनंतर, तुमची एकूण गुंतवणूक ₹12 लाख असेल. पण कंपाउंड व्याजामुळे ती वाढून ₹17,08,546 होईल. म्हणजेच ₹5 लाखांचा अधिक फायदा.

हे उदाहरण दाखवते की, नियमित बचत आणि संयमामुळे तुम्ही मोठा फंड तयार करू शकता – तेही कोणताही जोखीम न घेता!

खाते कसे उघडावे आणि नियम काय?

फक्त ₹100 पासून खाते उघडता येते.
गुंतवणुकीची कमाल मर्यादा नाही – तुम्ही तुमच्या क्षमतेनुसार गुंतवणूक करू शकता.
10 वर्षांवरील मुले पालकांच्या मदतीने खाते उघडू शकतात.
खात्याचा कालावधी 5 वर्षांचा असतो, परंतु 5 वर्षांनी तो पुन्हा 5 वर्षांनी वाढवता येतो.
3 वर्षांनंतर खाते बंद करता येते.
खातेदाराच्या मृत्यूनंतर नॉमिनी रक्कम काढू शकतो किंवा खाते पुढे चालू ठेवू शकतो.