Railway Station Shop Business : आजकाल रेल्वे स्टेशनही एअरपोर्टप्रमाणे उच्च दर्जाच्या सुविधा देत आहेत. स्वच्छ वेटिंग एरियाज, हाय-टेक कॅफे, फूड कोर्ट्स आणि रेस्टॉरंट्स यामुळे प्रवाशांचा अनुभव अधिक आरामदायक झाला आहे. याच पार्श्वभूमीवर रेल्वे विभाग वेळोवेळी स्टेशनवर दुकान उघडण्यासाठी टेंडर जाहीर करतो, जे भरून तुम्ही तुमचा छोटा व्यवसाय सुरू करू शकता.

IRCTC च्या कॉर्पोरेट पोर्टलवर तुम्ही सक्रिय टेंडर पाहू शकता. तसेच, प्रत्येक रेल्वे झोनच्या अधिकृत वेबसाइटवरसुद्धा टेंडरची माहिती नियमितरित्या प्रकाशित केली जाते.

आवश्यक कागदपत्रे

टेंडर भरण्यासाठी तुमच्याकडे आधार कार्ड, पॅन कार्ड, पासपोर्ट किंवा मतदार ओळखपत्रासारखी कागदपत्रे असणे गरजेचे आहे. टेंडर शुल्क ₹40,000 ते ₹3 लाखांपर्यंत असू शकते, जे स्टेशनच्या लोकेशन आणि दुकानाच्या आकारावर अवलंबून असते.